أبدأ البحث

مواصلات العاصمة الإدارية الجديدة

 مواصلات العاصمة الإدارية الجديدة
 

مواصلات العاصمة الإدارية الجديدة

 

تتنوع مواصلات العاصمة الإدارية الجديدة بشدة، فهناك اتجاه رسمي وشعبي مصري للانتقال إليها والمناطق المجاورة لها قبل عام 2030، لذا سواء قطارات كهربائية فائقة السرعة أو أتوبيسات أو حتى ميكروباصات فإنك لن تتوه أبدًا في الوصول للعاصمة الإدارية الجديدة.

 

في هذا المقال

قطارات العاصمة الإدارية الجديدة

أتوبيسات العاصمة الإدارية الجديدة

مواصلات العاصمة الإدارية الجديدة من المحافظات

مطار العاصمة الإدارية الجديدة

طرق العاصمة الإدارية الجديدة

 

قطارات العاصمة الإدارية الجديدة

 مواصلات العاصمة الإدارية الجديدة

تعتبر القطارات والمترو من أفضل وسائل مواصلات العاصمة الإدارية الجديدة فهي مقدمة وفقًا لأعلى المواصفات الأوروبية ومتنوعة وتغطي مناطق ضخمة سواء داخل القاهرة الكبرى أو خارجها، وتتمثل قطارات العاصمة الإدارية الجديدة في:

 

القطار الكهربائي

ومن المتوقع أن يكون شريان حقيقي للحياة في القاهرة الكبرى لتوصيلها بجميع الأحياء والمدن وحتى المحافظات، فهو يشبه جدًا قطارات مترو الأنفاق ويعمل بطريقة الجر الكهربائي وبشكل لا يتسبب في أي تلوث للبيئة، ومن المتوقع أن يضم 12 محطة في المرحلتين الأولى والثانية.

وبتضم المحطات الرئيسية كل من عدلي منصور- العبور- المستقبل- الشروق- الورش- هليوبوليس الجديدة- بدر، وتعتبر مدينة بدر تبادلية هيتم النزول فيها والاتجاه إما للعاصمة الإدارية الجديدة أو العاشر من رمضان إلى موقف السلام.

 

قطار المونوريل

وده قطار معلق بمواصفات عالية الجودة وبيعتبر أهم عناصر الانتقال من وإلى العاصمة الإدارية الجديدة، وهيضم 17 محطة في المرحلتين الأولى والثانية بعدد 12 محطة في أول مرحلة وده بيبدأ من محطة الاستاد في مدينة نصر وبعدين محور المشير طنطاوي وبعد كده شارع التسعين في التجمع وبعد كده العاصمة الإدارية الجديدة.

وهو بيوصل برضه لمدينة السادس من أكتوبر والشيخ زايد وده من خلال مروره على محور روض الفرج، يعني ممكن تروح من الجيزة للعاصمة الإدارية عن طريق القطار المونوريل.

ومحطاته حتى 2021 هي

الاستاد وهشام بركات ونوري خطاب والحي السابع والمشير طنطاوي وكايرو فيستيفال والشويفات والمستشفى الجوي وحي النرجس ومحمد نجيب والجامعة الأمريكية وإعمار وميدان النافورة والبروة والدائري الأوسطي ومحمد بن زايد والدائري الإقليمي وفندق الماسة وحي الوزارات والعاصمة الإدارية.

ومن المتوقع إن يكون الوقت من الاستاد إلى العاصمة الإدارية حوالي 60 دقيقة وبيمتد على مسافة 54 كم، والانطلاق بسرعة 80كم/ساعة.

 

القطار فائق السرعة

وده بقى مش بيربط العاصمة بالقاهرة ولكن بالمحافظات المحيطة بيها زي إسكندرية والبحر الأحمر، فهيمر على العلمين ومدينة 6 أكتوبر والإسكندرية والعين السخنة بمعنى 6 محطات وهيكون مختصر جدًا بحيث ياخد مسافة بين العاصمة والإسكندرية في 40 دقيقة فقط، ومتوقع وصوله لأسوان في 4 ساعات فقط.

 

مقالات ذات صلة

 

مواصلات من مطار القاهرة إلى رمسيس

مواصلات التجمع الخامس من رمسيس

مواصلات كايرو فيستيفال من رمسيس

مواصلات القرية الذكية

 

أتوبيسات العاصمة الإدارية الجديدة

مواصلات العاصمة الإدارية الجديدة

يتساءل الكثيرون عن وجود أتوبيسات العاصمة الإدارية الجديدة وهل هتكون متوفرة أم إن الاعتماد هيكون على القطارات والسيارات الملاكي والأجرة، وأكيد طبعًا بيتم تنفيذ أتوبيسات كهربائية عالية الجودة للانتقال من كل مناطق القاهرة سواء التجمع الخامس أو رمسيس أو السلام أو الجيزة وغيرها، وهتكون جاهزة لخدمة الركاب بمجرد بدء نقل الخدمات الحكومية إلى العاصمة الإدارية الجديدة وبالتالي وجود تشغيل لها يغطي التكلفة ويجعل المشروع مربحًا.

ومن المتوقع البدء بعدد 20 أتوبيس تعتمد على الغاز الطبيعي لنقل المواطنين سواء مباشرة إلى العاصمة أو إلى محطات قطار المونوريل.

 

مواصلات العاصمة الإدارية الجديدة من المحافظات

مواصلات العاصمة الإدارية الجديدة

ممكن جدا الوصول إلى العاصمة الإدارية الجديدة من المحافظات عن طريق المواقف الرئيسية في القاهرة، فمثلا عبود وموقف أحمد حلمي وغيرها قريبين جدًا من محطة مترو رمسيس، وكمان فيه مواصلات كتير منهم إلى مدينة العاشر من رمضان الموجودة على خط القطار الكربائي إلى العاصمة الإدارية.

 

مطار العاصمة الإدارية الجديدة

مواصلات العاصمة الإدارية الجديدة

وهو دخل خطة التنفيذ فعليًا ومن المتوقع افتتاحه قبل تشغيل العاصمة، وهو موجود على طريق القاهرة السويس عند الكيلو 61 جهة الشرق من مطار القاهرة الدولي وهو مرتبط بـ4 طريق أساسية هي الطريق الإقليمي وطريق السويس وطريق العين السخنة والطريق الدائري الأوسط.

ومن المطار ده ممكن تروح أي منطقة داخل مصر فيها مطارات وطبعًا بدء تسيير الرحلات الدولية بالتدريج كمان، ومبنى المطار ده ضخم جدًا على مساحة 4 آلاف متر مربع ويتسع لـ300 راكب في الساعة، وهتلاقي فيه مكاتب سياحة ومكاتب شركات طيران ومنطقة بنوك وكافيتريات ومسجد ومحلات تجارية وأنظمة تأمين متنوعة وغيرها على أرقى المستويات.

 

طرق العاصمة الإدارية الجديدة

مواصلات العاصمة الإدارية الجديدة

تقع العاصمة الإدارية الجديدة على 3 طرق رئيسية تربطها بالقاهرة وبالأقاليم والطرق دي هي:

·         محور قناة السويس: وده بيربط العاصمة الجديدة بالقاهرة والجيدة وبيخدم سكان العاصمة بشكل أساسي وموجود فيه حارة مخصصة للنقل الثقيل.

·         الطريق الدائري الأوسط: وده بيربط السويس والعين السخنة بالقاهرة وبيمر على العاصمة الإدارية.

·         الطريق الدائري الإقليمي وده بيربط العاصمة الإدارية الجديدة بكل الأقاليم في الجمهورية للوصول إليها عن طريق الأتوبيسات اللي بتمر على الطريق ده.

 

وبعد ما عرفنا أهم مواصلات العاصمة الإدارية الجديدة فده لا يمنع النمو المتواصل في وسائل الموصلات ليها، فهتلاقي بالتدريج ميكروباصات من رمسيس لأقرب محطات القطار الكهربائي أو المونوريل وحتى مباشرة ليها خصوصًا مع وجودها على 4 طرق رئيسية سريعة وده بيضمن سهولة الوصول ليها.

 

 

الأسئلة الشائعة

العاصمة الإدارية موجودة بالظبط على حدود مدينة بدر على الطريق بين القاهرة والسويس وهي بعد مدينة القاهرة الجديدة ومدينتي والمستقبل، فهي بتبعد 60 كم بس عن العين السخنة والسويس وبرضه قريبة من مناطق وسط القاهرة فتبعد عنها برضه حوالي 55 كم.

امتدت العاصمة الإدارية الجديدة على مساحة 168 فدان وبتضم تجمع محمد بن زايد الشمالي ومركز للمؤتمرات ومدينة للمعارض وأحياء سكنية وحكومية متكاملة وحديقة مركزية ومدينة ذكية وغيرها.

هو فعليًا كل المحافظات والأحياء اللي بيمر فيها قطار أو محطة مترو تقدر توصل منها مباشرة وبمواصلة واحدة وفي أقل من ساعة للعاصمة الإدارية الجديدة وده بمجرد النزول في المحطات التبادلية زي بدر وعدلي منصور أو الركوب مباشرة على واحد من الخطوط المتجهة للعاصمة سواء المونوريل أو القطار الكهربائي أو القطار السريع.