أقرب محطة مترو من سيتي ستارز
أقرب محطة مترو من سيتي ستارز فعليًا هي محطة أرض المعارض ضمن الخط الثالث الجديد، ولكن فيه أكتر من محطة تانية ممكن تنزل فيها وهتكون قريب من المول مسافة دقائق فقط ممكن تمشيها أو تركب تاكسي أو ميكروباصات.
إيه أقرب محطة مترو من سيتي ستارز؟
ممكن نقول إن فيه 5 محطات مترو ممكن تنزل فيها وتوصل بسرعة جدًا للمول الشهير في مدينة نصر واللي عنوانه بالتحديد هو شارع عمر بن الخطاب في مساكن المهندسين وبالقرب من جامع القوات المسلحة في مدينة نصر، والمحطات دي هي:
1. محطة أرض المعارض:
وهي ضمن الخط الثالث للمترو وممكن الوصول إليه إما من العباسية أو العتبة أو محطة جمال عبد الناصر وفقًا للخط اللي هتركب منه سواء الأول أو التاني، ولما تنزل محطة أرض المعارض في صلاح سالم هتلاقي ميكروباصات كتير وميني باصات بتعدي على مول سيتي ستارز أو شارع عمر بن الخطاب وممكن تتمشى دقيقة أو دقيقتين لو مش هتركب تاكسي.
.png)
2. محطة كلية البنات:
ودي برضه تابعة للخط التالت الجديد وهي قريبة جدًا من مدينة نصر وسيتي ستارز والطريق بينها وبين المول سواء بالتاكسي أو الميكروباص مش هياخد أكتر من 10 دقائق إلى ميدان الساعة، وممكن طبعًا تتمشاها لو الجو جميل وخارج مع أصحابك لإن الشوارع اللي بتوصل ليها مسلية جدًا وتعتبر فسحة في حد ذاتها.
3. محطة رمسيس:
أو محطة الشهداء ودي محطة رئيسية للخطين الأول والتاني والوصول ليها سهل جدًا حتى اللي جايين بالقطر من محافظات تانية وهي رغم إنها متعتبرش فعليًا أقرب محطة مترو من سيتي ستارز إلا إنها الأسهل في توصيلك منها.
وده لإن فيه هناك موقف كبير فيه ميكروباصات لأول مكرم أو أول عباس العقاد والاتنين بينزلوك جنب المول، وكمان فهي ميكروباصات بتتوجه لسيتي ستارز مباشرة من رمسيس بس مش دايمًا متوفرة.
4. محطة حدائق القبة:
ودي ضمن محطات الخط الأول قرب المرج أكتر، وفيه جنبها برضه موقف ميكروباصات كبير بيروح أكتر من منطقة في مدينة نصر ومنها مكرم وأول عباس وهم قريبين جدًا من المول وممكن تتمشى ليه بسهولة.
5. مترو العباسية:
وهي ممكن تكون أسهل للناس اللي مش عايزة تلف جوة محطة المترو، فمنها ممكن تركب أي ميكروباص لشارع الطيران ومنه تمشية خفيفة لمول سيتي ستارز أو تاكسي في 3 دقائق.
حاجات لازم تاخد بالك منها وإنت راكب أقرب محطة مترو من سيتي ستارز
سيتي ستارز ليه بوابات كتير جدًا فهو على مساحة 750 ألف متر علشان كده لازم تحدد عايز إيه بالظبط هل الفنادق ولا المراكز الترفيهية ولا الشقق السكنية.
ركوب محطات مترو الخط الثالث سهل جدًا وممتع ولكن لازم تسأل جوّه قبل النزول في أي محطة وقبل الركوب من أي اتجاه.
لو العودة من سيتي ستارز هتكون برضه بالمترو فساعتها احتمال تضطر تركب تاكسي لأقرب محطة مترو المتوفرة ليك أو تتمشى لشارع مكرم أو أول عباس العقاد وتركب أي ميكروباص لرمسيس.
ليه ممكن تروح مول سيتي ستارز؟
.jpg)
سيتي ستارز في أهمية مدينة ترفيهية وخدمية متكاملة من مناطق تسوق لأحدث العلامات التجارية وأفضلها ومدن ترفيهية وأماكن لتناول الطعام وغيرها، ومن أفضل الأماكن اللي ممكن تستمتع بيها هناك:
· مدن الأطفال: زي إي زون، وماجيك جالاكسي وماي تاون ومدينة الثلج وزونا بامبينا، وسيسامي كلوب.
· السينمات: زي دايموند سينما وفي آي بي سينما وديلوكس سينما وستارز سينما.
· الفنادق: وهي زي إنتركونتيننتال سيتي ستارز ومكوَّن من 830 غرفة وجناح وفيه أكبر قاع رقص في العالم، وفندق هوليداي إن كايرو سيتي ستارز وكمان أجنحة ستايبرديدج كايرو سيتي ستارز الل يتعتبر الأولى من نوعها خارج أمريكا وكندا.
وبعد ما عرفت أقرب محطة مترو من سيتي ستارز وإزاي تروح وترجع بسهولة نتمنى لك فسحة جميلة في واحد من أجمل المناطق في القاهرة.
