أفضل مطاعم سي فود في القاهرة
لو بتدوّر على أفضل مطاعم سي فود في القاهرة فمش هتحتار كتير، فصحيح مطاعم الأسماك البحرية منتشرة جدًا إلا إن قليل منها اللي تاكل فيه أكلة سمك بمزاج من كل الأنواع، فطبعًا السمك علشان ييجي طازج دايمًا ويتقدم بأحلة التحبيشات والوصفات محتاج شيف متمكن جدًا.
وهتلاقي مطاعم السمك والسي فود منتشرة في القاهرة الكبرى كلها عمومًا مش متركزة في مكان واحد، لكن أفضلهم عادة اللي موجودين في مدينة نصر والمهندسين و حدائق القبة سواء من حيث الأناقة والنظافة أو من حيث الوجبات المتميزة والسي فود اللي ملهوش حل.
فياللا مع بعض نتعرف على أفضل مطاعم سي فود في القاهرة.
وده طبعًا شهرته في إسكندرية فاقت كل المطاعم رغم وجود منافسين كتير ليه هناك، لكنه ف يالقاهرة يعتبر رقم واحد من غير مُنازع وعلطول زحمة ولازم تحجز قبل ما تروح.
وفروع المطعم موجودة في المهندسين والشيخ زايد بالإضافة طبعًا لفروعه في الإسكندرية، وهو منذ تأسيسه سنة 1950 وهو تربع على عرش تقديم أشهى المأكولات البحرية.
فحتى لو مكنتش من أكيلة السمك فهتلاقي اللي يعجبك هناك سواء الأرز بالجمبري أو ورق العنب بالسمك وكمان السي فود بأشكال مختلفة سواء شوربة أو اسباجيتي وغيرها، والأسعار هناك مش هتلاقيها ثابتة ولكن وفقًا لسعر السمك اليومي في السوق، فعلشان كده ممكن تسأل قبل ما تروح، وإن كانت الاختلافات مبتكونش كبيرة قوي.
العنوان: 66 شارع جامعة الدول العربية - المهندسين - الجيزة
التليفون: 0237608665
2. مطعم البرج من أفضل مطاعم السي فود في القاهرة:
وده من المطاعم المشهورة جدًا في مدينة نصر رغم إن ليه فرع تاني في التجمع الخامس، لكن الأطباق هناك على أعلى وأرقى مستوى، وهتلاقي حاجات ممكن متكونش سمعت عنها قبل كده زي البطارخ المملحة، ده طبعًا غير الاستاكوزا اللي ملهاش حل ولا الجمبري.
ومن مميزات المطعم ده إنه بيقدم لحوم ودواجن برضه غير السمك وده بيدي فرصة لمجموعة كبيرة من الاصدقاء إنهم يتجمعوا حتى لو كان فيهم حد مبيحبش السمك قوي.
العنوان: الحي السابع - مدينة نصر - القاهرة
التليفون: 0224040730
وده حاجة كده تحسسك إنك مش في مصر أصلا لكن في إيطاليا مثلا، مع مكرونة بالسي فود وكيكة الكابوريا والبساريا هتعيش جو أوروبي ملهوش حل، وفجأة هياخدك فورًا لمصر مع أجمل ملوخية بالجمبري ممكن تأكلها وكفتة السمك وبرضه الرز الصيادية الإسكندراني الأصيل.
هتلاقي هناك الأكل متنوع جدا، فلو إنت مزجانجي سمك وبتحب المصمصة واللغوصة هتلاقي وجبات جامدة، أما لو عايز حاجة تتاكل في السريع فدي منها كتير.
وهو على فكرة ليه فروع كتير سواء ف يالجيزة والمعادي ومدينة نصر والشيخ زايد والتجمع الخامس، وهتلاقي كمان رنجة وسردين وجندوفلي وقاروص وغيرها، لدرجة مش هتخليك محتاج تروح إسكندرية علشان أجمد أكلة سمك متنوعة.
العنوان: 37 شارع شارل ديجول - الجيزة
التليفون: 0235709693
4. مطعم أسماك جندوفلي:
وهو برضه يستحق عن جدارة إنه يكون واحد من أفضل مطاعم السي فود في القاهرة، وقدر فعلًا إنه يحقق شهرة كبيرة وانتشرت فروعه في المعادي والتجمع الخامس والمهندسين، ولمن فرعه اللي في مدينة نصر هو الأكثر شهرة.
هتلاقي هناك عشاق السمك الأصليين اللي هيعيشوا أجمل يوم في حياتهم مع محار البحر اللي بيتعمل هناك بأكتر من طريقة سواء مسلوق ولا مشوي ومع الأرز وعلى الطريقة الإسكندرانية المحترفة.
أما عن الجمبري وبلح البحر وأطباق السلمون والمشويات المتنوعة فهتحتار تختار إيه ولا إيه خصوصًا لو إنت من مدمنين السمك.
العنوان: 30 شارع أبو داوود الظاهري - مدينة نصر
التليفون: 023505554
وده اللي رغم بدايته بمحل صغير جدًا في وسط البلد إلا إنه دلوقتي بقى واحد من أشهر المطاعم في مصر الجديدة وبالتحديد بجوار سيتي ستارز.
وأكتر حاجة مشهورة هناك إنك هتلاقي دايما السمك طازج ومعمول على الطريقة الغربية مع إمكانية التيك اواي، وهتلاقي كمان وجبات مصرية شهيرة من سمك مشوي ومقلي وغيرها.
واللي مش هتقدر تقاومه هناك هو الأرز الروبيان وشيش طاووق السمك والطواجن، أما عن سلطة الرنجة فحدِّث ولا حرج، والأسعار هناك معقولة جدًا والوجبات ضخمة مش ممكن هتقدر تكملها لوحدك.
العنوان: 1 عمارات كلية البنات بجوار دار الدفاع الجوي - مدينة نصر
3 عمارات مليسا، مستشفى عبدالقادر فهمي عند دار الإشارة حسن أفلاطون - مصر الجديدة
التليفون: 0224149091
ودلوقتي بعد ما عرفت أفضل مطاعم السي فود في القاهرة أوعى تحرم نفسك من تجربة واحد منهم على الأقل في فسحة وخروجة وأكلة تتبسط بيها وترجعك شباب 10 سنين.
