أحلى مشويات في إسكندرية

أحلى مشويات في إسكندرية

أحلى مشويات في إسكندرية مش في محل ولا اتنين ولا تلاتة، فصراحة عروس البحر المتوسط غنية جدًا بالمحلات اللي بتقدم أشهى وأطعم المشويات المتنوعة، ولكن أكيد فيه اختلافات، وغالبا يا إما هتلاقيها في الإطلالة اللي قدامك أو الأسعار، أو حتى بُعد أو قُرب المكان منك.

فإسكندرية من آلاف السنين وهي موطن ثقافات كتير جدًا اتجمعت كلها علشان تقدم أحلى حاجة في كل حاجة، علشان كده ممكن تلاقي محل أقرب للطريقة الغربي، وممكن واحد تاني أقرب للطريقة الشرقي، وكمان هتلاقي المزيج بينهم.

فيالا نعرف مع بعض أحلى مشويات في إسكندرية ممكن تكون فين بالظبط.

1. مشويات قرية بلبع:

ودي بييجي لها ناس مخصوص من كل محافظات مصر ومن الدول العربية كمان علشان يستمتعوا بالأصناف المبتكرة اللي هناك، فالموضوع أكبر بكتير قوي من إن الكباب هناك ملهوش حل أو إن الكفتة مش ممكن تقاومها.

لكن بلبع مبتكر جدًا في الأكلات اللي بيقدمها وعنده طبق مميز خاص بيه اسمه طبق بلبع، ده مش ممكن متدوقهوش، كفاية بس إنك تشوف الفن والذوق اللي معمولين بيه.

وعنوان بلبع الأساسي في إسكندرية في شارع ملاك حفني في منطقة سيدي بشر، وفيه كمان في سيدي جابر، وبرضه فيه أكتر من فرع قريب من الساحل الشمالي وكل واحد فيهم بيقدم وجبات مش ممكن تنساها، زي فرع روزانا وفرع أمواج وفرع مارينا

رقم التليفون والحجز والاستفسار: 16941

2. مطعم حسني:

وهناك برضه مش ممكن يختلف اثنين إنك هتاكل أحلى مشويات في إسكندرية، فهو تقريبًا من أقدم محلات المشويات في عروس البحر الأبيض المتوسط وبيقدم لحوم بجودة عالية جدا ومعمولة بمزاج عالي قوي.

ومن مزاياه إنه ليه فروع كتير في وسط البلد فعلشان كده قريب للناس أكتر، غير بلبع اللي ممكن ناس كتير تحس إنه بعيد ويعتمد أكتر على الدليفري.

وفروع مطعم حسني في إسكندرية هي:

فرع قرية حسني للمشويات: وهو في شارع جمال عبد الناصر- المندرة- المنتزه ورقم تليفونه 5507799.

والفرع الثاني في 382 شارع إدريس المندرة وبرضه في المنتزه وتليفونه 01206360447.

والفرع الثالث هتلاقيه في شارع صقر باشا في حي الجمرك وتليفونه للتوصيل والحجز هو 4812380.

3. قرية مشويات عبد الوهاب:

وده ليه عشاق مخصوصين لمحبي الموزة والضاني والتكات والحركات في الأكل، فهتلاقي هناك تتبيلات عالمية مش هتلاقيها في مكان تاني في مصر علشان هو بيعتمد على شيفات عالميين ودارسين وواخدين شهادات كمان، علشان كده تجربة الأكل هناك هتحس معاها إنك برة مصر ولكن في نفس الوقت مع أكل شرقي متميز جدًا.

المطعم ده بينصح بيه كل زائر لإسكندرية، أوعى تفوتك تجربته مرة وإنت هناك خصوصًا لو مش عشاق اللحوم المتميزة، وهو كمان بيقدم سمك مشوي ملهوش حل.

وعنوانه في زقاق محرم بك وأمبروز في منطقة محرم بك.

رقم التليفون: 01030006070.

4. مطعم أبو فارس السوري:

من ساعة الثورة في سوريا وفتحت محلات كتير في مصر وخصوصًا إسكندرية لأصحاب سوريين، فمعروف إن المصريين بيعشقوا أكل بلاد الشام وهو الصراحة من المطابخ المميزة جدا.

ويعتبر مطعم أبو فارس السوري من المطاعم الحديثة نسبيًا في إسكندرية ورغم كده قدر إنه يعمل شهرة كبيرة في فترة قليلة، وده مش بس بسبب المشويات المتميزة والتتبيلة الشامية الشهية والسلطات، لكن كمان علشان عنده أجمل مشويات ممكن تاكلها في عروس البحر الأبيض المتوسط.

العنوان: شارع إسكندر إبراهيم- سيدي بشر- المنتزه.

رقم التليفون: 5545500-19795

5. مطعم أبو شقرة:

وهو من المطاعم الأنيقة جدا والمتميزة قوي مش بس في إسكندرية ولكن في القاهرة كمان مع جودة كبيرة في المشويات وأسعار معقولة جدًا.

العنوان: 425 شارع الجيش المتفرع من شارع الشعراوي

التليفون: 035848100

 6. جزارة ومطعم شوكلاته:

شوكلاته اسم يدفعك دفعًا لتوقع مأكولات شهية، ولكن الجديد هنا أننا لا نتحدث عن الحلويات، بل عن مطعم من أجود مطاعم الإسكندرية ويقدم واحدًا من أحلى المشويات في الإسكندرية، في شوكلاته يمكنك أن تتذوق الطعم المميز للمشويات من كباب وكفته وفراخ وطاووق ليس المشويات بحسب فمطعم شوكلاته يصر أن تبقى سعيدًا فهو يقدم لك أفطار مميز على البحر بالإضافة للأيس كريم الرائع الذي ستذهب خصيصًا من أجل تذوقه.

هل هذا كل شيء؟ لا، فمطعم شوكلاته يقدم لك اللحوم الطازجة من قطعيات ممتازة ولحم مضمون لتعد طبخاتك المفضلة في المنزل كذلك، لذا زيارتك للمطعم تغنيك عن زيارة مطعم للأفطار ومحل الكبابجي ومحل الأيس كريم والجزارة في مشوار واحد، لتحصل على أفضل الأنواع بأرخص الأسعار.

العنوان:الإسكندرية- القويري على البحر بجوار حلواني لابوار 

التليفون: 00201212101070

صفحة الفيسبوك: https://www.facebook.com/ShokalataEgy

التنوع الكبير في أحلى مشويات في إسكندرية متخليهوش يحيرك، فشوف اللي نفسك تاكله إيه بجد، واختار على أساسه، وهتلاقي المطاعم بيقدمولك تنويعات كتير... وبالهنا والشفا.

شاهد ايضًا

مطعم الريف الاسواني 

أحلى شاورما في إسكندرية