فندق الأشباح إميلي مورجان.. ليلة في مستشفى نفسي هتشقلب حياتك
فندق الأشباح إميلي مورجان مش مجرد قصة خيالية أو رواية رعب تستمتع بيها وتنهيها، لكن الموضوع ليه أصول كتير جدًا، وتعتبر الفنادق المسكونة واحدة من أكثر تيمات الرعب نجاحًا واستمرارية على الإطلاق، وخصوصًا إذا كان المبنى الأصلي من سنوات طويلة أو من القرون الوسطى مثلا.
والمرة دي هنتعرف على فندق أشباح حقيقي وظهرت فيه أحداث تم تسجيلها وعليها أكتر من شاهد وصور وهو فندق إميلي مورجان في مدينة ألامو بتكساس في الولايات المتحدة الأمريكية.
.png)
فندق إميلي مورجان وتاريخ طويل من الظواهر الخارقة
قبل ما نعرف تاريخ المبنى نفسه خلينا نتعرف كمان على تاريخ الأرض اللي اتبنى عليها الفندق، فهي مكنتش أي قطعة أرض والسلام، لأ دي كانت مقبرة لأكتر من 600 مقاتل مكسيكي في الحرب ضد تكساس سنة 1836 وده يخليك تعرف أصل الحكاية إيه.
فندق إميلي مورجان وتاريخه كمستشفى نفسي
اشتهر فندق إميلي مورجان بإنه كان مستشفى نفسي تم إنشاؤه سنة 1924 ولكن الحقيقة إنه كان مركز طبي متنوع فيه كل التخصصات سواء الأسنان أو الباطنة والقلب وغيرها وكان الدور التاسع مخصص للحالات النفسية بجميع مستوياتها.
المبنى كمان كان فيه مشرحة ومحرقة جثث لنزلاء المستشفى اللي أهلهم بيرفضوا استلامهم أو ملهمش مكان يتم دفنهم فيه.
.png)
تصميم المبنى
زي أي مبنى تاريخي عادي لازم بتكون حصلت فيه أحداث أكتر من غيره، ولكن كمان تم تصميم المبنى ده على الطراز القوطي مع تزيينه بتعبيرات تدل على آلام ومعاناة المرضى اللي جوّه وده خلى الأساطير والحكايات عنه أكتر بكتير.
من الماء الأزرق لتوقف المصاعد للأنوار العائمة.. أشهر حوادث فندق الأشباح
وعلى عكس كتير من اللي بيتم سرده عن فنادق أشباح أو منازل مسكونة، فإن الفندق ده كترت أوي فيه روايات واقعية جدا وصعب تلفيقها ومنها مثلًا إن مديرة المبيعات في الفندق ترجع غرفتها مرة تلاحي حوض الاستحمام مملوء بالمياه الزرقاء.
وقرر أكتر من نزيل إن فيه أبواب بتفتح وتغلق بقوة شديدة ومن تلقاء نفسها مع الشعور بشخص حولهم ولكن من دون رؤية أي حاجة على الإطلاق.
فيه كمان ضيوف أكدوا إنهم شافوا ظلال بتتحرك على الحوائط من غير ما يكون فيه أي حاجة قدامها بتتحرك، وحتى العاملين في الفندق أكدوا إنهم بعد ترتيب الغرفة بيرجعوا يلاقوا المفروشات على الأرض.
.png)
وده الأكثر إثارة للخيال في الفندق، فهي أولا في الدور الـ14 مش الـ13 زي حكايات رعب كتير، ولكن الجناح ده ملهوش رقم يعني هو اسمه جناح الدوق وبس، ورغم كده فإن الغرفة اللي قبله علطول رقمها 1407، يعني الجناح ممكن نقول مجازًا إنه رقم 1408.
والحقيقة الغامضة في الموضوع إن لو جمعت أرقام العدد 1408 مع بعض يعني 8+0+4+1 هتلاقي المجموع 13 وهنا ميكونش اختلف كتير عن غيره خصوصًا إن الجناح ده من الأشهر هناك واللي خلت الفندق ثالث أشهر الفنادق المسكونة في العالم بسبب عدد التقارير الغامضة اللي قدمها الناس.
ليه ممكن تروح فندق الأشباح؟
أولا هو فندق متكامل بيقدم خدمات مميزة جدًا زي أي فندق من إقامة مريحة وأكل وكمان قريب جدًا من معالم تاريخية مهمة في تكساس وكمان قريب من النهر ويعتبر في حد ذاته رحلة شيِّقة جدًا.
وطبعًا لو عايز بونص إضافي من الرحلة والاستكشاف وزيارة الأماكن الغامضة فيه وخصوصًا جناح الدوق وتعيش الإثارة الإضافية فده هيخلي لزيارتك طعم تاني.
أماكن مصرية اشتهرت بوجود الأشباح منها منزل ذكرى ووادي الملوك وطبعا قصر البارون
