الأوراق المطلوبة لاستخراج جواز سفر
الأوراق المطلوبة لاستخراج جواز سفر مصري تعتبر بسيطة للغاية وواضحة ولا تتطلب الكثير من التعاملات الحكومية، فهي من الخدمات المقدمة من وزارة الداخلية المصرية ويمكن الحصول عليها في يوم واحد في حالة الخدمة العاجلة أو خلال أيام قليلة في حالة الخدمة العادية.
ما هي الأوراق المطلوبة لاستخراج جواز سفر مصري
.jpg)
أكدت وزارة الداخلية والسفارات المختلفة على ضرورة توفر الأوراق التالية لدي من يطلب استخراج جواز السفر، وهي كلها يسهل الحصول عليها، وتتمثل هذه الأوراق في:
استمارة نموذج 29 جوازات
وي بتستلمها مجانًا من السجل المدني أول ما بتروح تسأل على الأوراق المطلوبة لاستخراج جواز سفر للمرة الأولى، لكن الفكرة فيها إنك لازم تكتب البيانات بحرص شديد جدًا وخصوصًا اسمك بالإنجليزي ويكون مطابق للموجود في بطاقة الرقم القومي وفي المؤهل الدراسي من غير أي تحريف علشان متحصلش أي مشاكل بعد كده في السفارات أو المطارات.
بطاقة الرقم القومي
ولازم تكون سارية المفعول أو خلال فترة الثلاث أشهر المهلة والأفضل تكون سارية علشان متحصلش أي تعقيدات، وبيتم استخراج الرقم القومي لأي شخص وصل سن 16 سنة من أقرب سجل مدني ليه وبتكون معاه شهادة الميلاد.
لو موصلتش 16 سنة يبقى بتكتفي بشهادة الميلاد فقط في حالة استخراج جواز السفر.
صور حديثة
بيكون مطلوب 3 صور حديثة وملونة من مقاس 4X6 زي أي جهة حكومية على خلفية بيضاء، ولازم يكون الوجه مواجه للكاميرا يعني مش صورة جانبية، ويكون فيه مسافة بين الوجه وبرواز الصورة.
موقف التجنيد
الموقف من التجنيد بيكون مطلوب بالنسبة للذكور فوق الـ18 سنة.
الحالة الاجتماعية
إثبات الحالة الاجتماعية بالنسبة للإناث هل آنسة أم متزوجة أم مُطلقة أم أرملة، وده ضروري لتحديد قدرتها على السفر أو لأ.
المؤهل الدراسي
لازم تاخد معاك صورة من المؤهل الدراسي في حالة عدم ثبوته بالبطاقة مع اصطحاب الأصل للاطلاع عليه وإعادته ليك مرة تاني، وإذا مكنش معاك أي مؤهل دراسي فبتدفع رسوم تأمين 400 جنيه قابلة للاسترداد عند استخراج الباسبور.
السجل التجاري
لو صاحب شركة أو مشروع حر فبتحتاج برضه لتقديم السجل التجاري الخاص بيك ضمن الأوراق المطلوبة لاستخراج جواز سفر.
هل فيه اختلاف في الأوراق المطلوبة لاستخراج جواز سفر في حالة طلبه عاجل؟
.jpg)
فيه ورقة فقط إضافية في حالة طلب جواز السفر عاجل وهي ورقة عاجل من الديوان العام للإدارة وطبعًا بتكون برسوم إضافية حوالي 100 جنيه.
هل فيه أي اختلافات في الأوراق المطلوبة لاستخراج جواز سفر للقصّر؟
لاستخراج جواز سفر للأبناء القصّر لازم موافقة كتابية من الأب سواء كان متزوج أو منفصل عن الأم، وفي حالة وفاة الأب فلازم روقة موقّعة من الوصي عليه وفقًا لمجلس الوصاية.
الرسوم المطلوبة لاستخراج جواز سفر مصري
في حالة استخراج جواز السفر للمرة الأولى بيكون مطلوب 335، وفي حالة التجديد أو استخراج بدل الفاقد بتدفع 485 جنيه وعادة بيتم الاستلام خلال 3 أيام عمل.
إيه الأوراق المطلوبة لاستخراج جواز سفر مصري من السفارات؟
لو إنت مصري وسافرت برة البلد ففيه سفارات في بعض البلاد زي أمريكا والسعودية وغيرها ممكن تستخرج منها جواز سفر جديد أو حتى بدل تالف، وبتكون هي نفسها الأوراق المطلوبة السابقة ولكن بتكون مدة صلاحيته سنة واحدة بس مش سبعة زي جواز السفر من وزارة الداخلية، وبيتم استلامه خلال 6-8 أسابيع.
تصريح إذن السفر من منطقة التجنيد أون لاين
