فندق Eco House جورجيا.. 700 متر فوق الجبال والشلالات ووسط السحاب
ارتفعت شهرة فندق Echo House جورجيا فجأة في السما بعد زيارة كاتي ميلوا المغنية وكاتبة الأغاني البريطانية للمكان وتصويرها مقطعي فيديو لأغنيتها الجديدة، فكاتي ميلوا من أصل جورجي وكانت من أسباب لفت النظر للمكان المبهر ده والمناسب للزيارة سواء في الصيف أو الشتا وطول السنة بتكلفة إجمالية 25 دولار للفرد.
فين مكان فندق Eco House جورجيا؟
هو موجود بالظبط على جبال أدجارا وعلى بعد 50 كم أو 30 ميل من مدينة باتومي، وهو على ارتفاع 700 متر فوق الجبل، وهتقدر تشوف من هناك أجمل شلالات وأودية وينابيع معدنية وممكن تزورها بسهولة كمان، وهو على بعد 150 متر من شاطي ماخينجوري، يعني ممكن توصل له في 10 دقائق مشي.
(2).png)
إيه أهم الخدمات في Eco House جورجيا؟
صراحة الفندق بيوفر خدمات مذهلة مش هتخليك أصلا محتاج تطلع برّة لأي مكان، ومن أهمها وجود مطبخ مشترك وغسالة ملابس وثلاجة وخدمة تنظيف الغرف وتليفزيون بشاشة مسطحة وخدمة الواي فاي وغيرها.
ومسموح باصطحاب الحيوانات الأليفة لإن المكان عبارة عن أكواخ منفصلة وتستوعب 4 أشخاص بسعر 100 دولار في الليلة، وممكن تقديم الإفطار في الغرفة نفسها، وكمان بيتوفر بوفيه إفطار يومي.
فيه كمان مطاعم متنوعة هناك تقدر تفطر وتتغدا وتتعشا فيها بأسعار معقولة إلى حد كبير مع إطلالات خلابة جدًا.
ربما يهمك أيضًا
أرخص فنادق تبليسي
تجربة بجد في جورجيا
إيه المميز جدًا في Eco House جورجيا؟
أكتر حاجة مميزة في الفندق ده هي الإطلالة الزجاجية المبهرة على الجبال والأشجار والوديان، فالكوخ من زجاج قوي تتمكن من خلاله من مشاهدة أجمل مناظر الشروق والغروب وأنت في غرفتك.
كما يضمن لك جاكوزي في الهواء الطلق مع إمكانية إغلاقة أثناء الشتاء لتستمتع بحمّام دافئ وسط أجمل المناظر الطبيعية التي لن تملّ أبدًا من مشاهدتها ليلًا ونهارًا.
إيه أهم الأنشطة هناك؟
طبعا الشاطئ قريب جدًا من الفندق، وكمان فيه منطقة ترفيه للأطفال ببوابات آمنة، ومنطقة تنزه للذهاب للوديان والاستمتاع بالشلالات، بالإضافة لمنطقة شواء خاصة، وفيه كمان دراجات ومسارات آمنة للتجول في المكان بحريّة تامّة من غير أي قيود.
وفي النهاية فإن فندق Eco House جورجيا حصل على تقييم استثنائي 9.7 من الزوّار سواء العائلات وحتى العرسان في شهر العسل، فهو فرصة حقيقية للاسترخاء والاستمتاع بطبيعة ساحرة وخدمات رومانسية بأسعار مناسبة للفئة المتوسطة.
تجربة بجد.. في جورجيا العميل دائمًا على خطأ
السياحة في جورجيا وأسرارها
