أقرب محطة مترو لمطار القاهرة

أقرب محطة مترو لمطار القاهرة الدولي تعتبر حاليًا فعليًا هي محطة عدلي منصور ضمن الخط الثالث واللي تم افتتاحها أغسطس 2020 بنفس نظام محطات المترو الأوروبية، وتم افتتاحها مع 6 محطات تاني هي النزهة وهشام بركات وقباء وعمر بن الخطاب والهايكستب وأخيرا محطة عدلي منصور.

 

موضوعات ذات صلة 

إيه هي أهم المعلومات عن أقرب محطة مترو لمطار القاهرة؟

كان من المتوقع توصيل الخط الثالث اللي بيبدأ من العتبة لحد المطار ضمن تطوير شبكة مواصلات القاهرة، ولكن مع التكلفة المرتفعة جدًا وصعوبة توفير التمويل محليًا تم تغيير الخطة ليتوقف الخط الثالث عند محطة عدلي منصور ولكن يتم توفير أتوبيسات كهربائية عالية التردد من المحطة مباشرة إلى المطار لتسير في نفق طوله 3 كم وتوصل للمطار في أقل من 5 دقائق، ودي أهم المعلومات اللي لازم تعرفها عن أقرب محطة مترو لمطار القاهرة:

·         هتلاقي جنب محطة مترو عدلي منصور هتلاقي مواقف لسيارات الأجرة والملاكي يعني ممكن تروح لحد المحطة بسيارة أجرة وبعدين تاخد الأتوبيس من هناك أو تركب المترو وتنزل في المحطة وتاخد سيارة أجرة للمطار.

·         محطة عدلي منصور قريبة جدًا من موقف العاشر وهي آخر محطة في الخط الثالث ضمن المرحلة الرابعة.

·         تم تصميم نفق ممتد منها لحد المطار مباشرة وكمان بتوصل للعاصمة الإدارية الجديدة.

·         المحطة تعتبر مركز تنقلات أساسي وضخم لتوصيل أطراف القاهرة بمنتصفها، فممكن لمستخدمي الدائري الوصول ليها بسهولة ومنها الانتقال لأي مكان في قلب القاهرة.

·         ممكن منها برضه الوصول بسهولة لعدد من المدن الجديدة زي العبور والشروق وبدر والسلام، وكمان بتخدم محافظات الإسماعيلية والشرقية وبلبيس.

·         أقرب محطة مترو لمطار القاهرة ملحق بها منطقة تجارية استثمارية ضخمة جدًا على مساحة 15 فدان وكمان موجود جراج السيارات.

 

إزاي تتوجه لأقرب محطة مترو لمطار القاهرة؟

محطة عدلي منصور ضمن الخط الثالث للمترو، وفيه وعلشان توصل ليها بسهولة لازم نتعرف على المحطات اللي في الخط ده وكمان المحطات التبادلية في الخطين الأول والثالث:

·         الوصول لمحطة عدلي منصور من الخط الأول اللي بين المرج وحلوان هيتطلب منك النزول في محطة ناصر والاتجاه إلى عدلي منصور.

·         الوصول لأقرب محطة مترو لمطار القاهرة من الخط الثاني اللي بين المنيب وشبرا الخيمة هيتطلب منك النزول في محطة العتبة والتوجه لاتجاه محطة عدلي منصور واتباع الإرشادات داخل المحطة.

·         أما الوصول لعدلي منصور من أي محطة في الخط الثالث فهو أسهل كتير لو إنت قريب من أي محطة منهم، والمحطات دي هي العتبة والجيش وعبده باشا والعباسية والمعرض وستاد القاهرة وكلية البنات والأهرام وهارون وميدان هليوبوليس وألف مسكن ونادي الشمس والنزهة وهشام بركات والقباء وعمر بن الخطاب والهايكست وعدلي منصور واللي برضه بتعتبر محطة تبادلية بين الخطوط.

وبيتميز الخط الثالث بسرعة عالية جدًا أكثر بكثير من أي خط تاني بحيث إن المسافة بين أول وآخر الخط بتكون أقل من ساعة واحدة، وفيه منها محطات نفقية وتانية علوية.

 

وبعد لما عرفنا إيه هي أقرب محطة مترو لمطار القاهرة فالوصول لهناك أصبح سهل جدا مع خدمة شاتل باص السريعة والمكيفة وكمان المحطات نفسها هادية جدًا وهتقدر تتحرك بسهولة بحقائب السفر، ومجرد الوصول إلى صالة المطار هيسمح لك بالاستفادة من أتوبيس المطار والتوجه للصالة اللي إنت هتطلع منها سواء صالة واحد أو اثنين أو ثلاثة حسب المدوّن على تذكرتك، والوصول بين الصالات برضه سريع إلى حد كبير.

 

كيف أعرف أقرب محطة مترو لموقعي