أبدأ البحث

أين تقع جزر المالديف

 أين تقع جزر المالديف
 

أين تقع جزر المالديف 

لو عايز تعرف أين تقع جزر المالديف وإيه سر اختيار المشاهير ليها في السنين الأخيرة، وهل ممكن فعلًا تقضي فيها أجازتك اللي جاية ولا لأ، فهتعرف معانا كل اللي إنت عايزه سواء مكانها أو سعرها وأفضل وأرخص الفنادق فيها، وكمان أفضل أوقات للسفر سواء لأجازة عادية أو لشهر العسل.

 

أين تقع جزر المالديف؟

أين تقع جزر المالديف

مع الشهرة الكبيرة جدا لجزر المالديق كوجهة للمشاهير وقضاء شهر العسل، إلا إن كتير من الناس ميعرفوش إنها في قارة آسيا، وكان أغلب ظنهم إنها تابعة لجزر أمريكا أو هاواي تحديدًا، ولكن المالديف دولة مستقلة بذاتها وليها سيادة وكمان ديانتها الإسلام، يعني ممكن جدًا تقدر تروحها وتتبسط وتستمتع بأكل حلال ومتنوع من جميع الثقافات سواء أسيوية أو أمريكية وأوروبية وغيرها.

وجزر المالديف موجودة تحديدًا في المحيط الهندي جنب الهند وسيريلانكا في أقصى الجنوب، وهي فعليًا أصغر بلد أسيوية بمساحة 298 كم مربع، وعاصمتها وأشهر مدنها هي ماليه.

 

تكلفة السفر من مصر إلى جزر المالديف

أين تقع جزر المالديف

الفكرة السائدة عن السفر لجزر المالديف إنها للأغنياء جدًا جدًا وبس، ولكن الصدمة الحقيقية إنها ممكن تكون فعلًا وجهة سفر ليك مع فرق مش كبير عن أوروبا أو حتى شرم الشيخ والغردقة، فسعر تذكرة الطيران مش مرتفع جدًا لإنها تعتبر مش بعيدة قوي، فخلال 10 ساعات هتكون هناك، وكمان الفنادق بتبدأ من 3 نجوم وطالما مش بتقدم خمور بتبقى اسعارها مش بطالة، وتقدر بشوية تحويش صغيرين تستمتع بأجازة مش ممكن تنساها.

وطبعًا سعر تذاكر الطيران بيختلف من شركة للتانية وبرضه من حيث وقت السفر، لكن ممكن بـ10 آلاف جنيه بس تسافر على طيران الاتحاد ذهاب وعودة من مطار القاهرة إلى جزر المالديف، وكمان فيه فنادق بغرف مزدوجة بيبدأ سعر الليلة فيها من 28 دولار بس، وطبعا بتكون على الشاطئ وكمان فيه وجبة غدا، وهنتعرف على أرخص فنادق في المادليف لو تابعت القراءة.

 

 ربما يهمك أيضًا

كاب فيردي الرأس الأخضر.. مالديف أفريقيا

 

أشهر جزر في المالديف

أين تقع جزر المالديف

جزر المالديف هي 1200 جزيرة، فيه منها الجزر العامة اللي بيسكن فيها المواطنين وهم حوالي نص مليون نسمة بس، وفيه الجزر الخاصة ودي اللي عليها المنتجعات والفنادق سواء الفخمة جدًا أو اللي سعرها معقول، وأهم جزر المالديف هي:

·         جزيرة ماليه، وهي العاصمة وأشهر المدن وبتروحها من المطار بيخت سريع أو طائرة مائية وفيها منتزه سلطان بارك والمتحف الوطني.

·         جزيرة مافوشي، وهي مناسبة جدًا لأصحاب الميزانيات الصغيرة والمتوسطة، وطبيعتها مميزة جدًا وفيها بيوت ضيافة كتير ومتنوعة.

·         جزيرة فافو أتول ودي فيها أنشطة ترفيهية أكتر من غيرها زي الدراجات المائية والتخييم البري والحياة في الأكواخ الخشبية.

·         جزيرة با أتول، وهي بتضم مجموعة من أفضل المطاعم الراقية وواحدة من أغنى مناطق العالم في الشعاب المرجانية.

 

أماكن وأنشطة سياحية في جزر المالديف

أين تقع جزر المالديف

طبعًا زي ما اتفقنا إن جزر المالديف وجهة لمحبي الاسترخاء والهدوء والبحر والمساج أو لعرسان في شهر العسل، ولكن ده مش معناه إن مفيهاش فسح أو أنشطة، صحيح أقل من مناطق تانية، ولكن ممكن فيها تمارس أنشطة الغطس في الشعاب المرجانية، وكمان القفز الحر، بالإضافة للآثار البوذية والإسلامية المتنوعة، وهتلاقي كمان مدن ترفيهية وملاهي وخصوصًا في المنتجعات وعلى الشواطئ.

 

جزر المالديف ليلًا

أين تقع جزر المالديف

جزر المالديف متميزة جدًا بالليل، لإن رملتها من النوع اللي فيه كانئنات بتضيء في الليل وعلى ضوء القمر، ولإن البلد كلها تقريبًا على المحيط ومليانة شواطئ فهي بتكون كلها منورة بانعكاس الكائنات دي وضوء القمر وده بيخليها فعليًا من أجمل وجهات التأمل والاسترخاء والاستمتاع بالطبيعة سواء في الصيف أو في الشتاء، فهي تعتبر دافية خصوصًا للي جايين من أوروبا وأمريكا.

أما بالنسبة للمقيمين في دول أفريقيا وآسيا واللي متعودين على حرارة الجو فممكن جدًا يزوروها في الصيف عادي ودرجات الحرارة مش هتزيد عن 30، وده خلى السياحة فيها مزدهرة طول السنة بعد ما كان الصيد هو النشاط الاقتصادي الأساسي.

 

ربما يهمك أيضًا

عندما غادرت النجوم السماء لتسبح مع البشر في المياه.. الشاطئ المضيء بالمالديف

 

أرخص فنادق جزر المالديف

زي ما اتفقنا وبعد ما عرفت أين تقع جزر المالديف فهي مطلعتش بس لفاحشي الثراء ورجال الأعمال والفنانين، فلو عايز تعمل فرحك في قاعة متوسطة هيتكلف على الأقل 30 ألف جنيه، في حين ممكن تقضي شهر العسل مع عروستك بـ40 ألف بس وهتبقى وديتها المالديف، وكمان لو إنتم مجموعة من الأصحاب أو حتى عيلة ممكن تكلفة السفر للفرد توصل 15 ألف جنيه، وكل ما حجزت بدري كانت الأسعار أرخص، ومن أرخص فنادق المادليف اللي حصلت على تقييمات عالية:

 

iHaven Thulusdhoo

أين تقع جزر المالديف

وهو عبارة عن بيت ضيافة بيوفر لك حمام خاص وكمان وجبة إفطار كونتننتال، وبعيد عن مدينة ماليه بـ27 كم بس وقريب جدا من المطار الدولي.

العنوان: Kinbigas Magu ، كافو ، Thulusdhoo Thulusdhoo ، 08040 ، جزر المالديف

رقم التليفون: 9607604426

السعر في الليلة الواحدة: 32 دولار

 بوكينج

 

ساندي هيفين مالديفز

أين تقع جزر المالديف

وهو فندق مميز جدا وقريب قوي من مدينة ماليه العاصمة وكمان قريب من المطار وبيوفر خدمة واي فاي مجانية ووجبة إفطار كونتيننتال

العنوان: Burevi Magu، Gulhi، Maldives

رقم التليفون: 9609113288

التقييم:  9.4 ممتاز

السعر في الليلة الواحدة: 28 دولار

 بوكينج

  

Blue Water Thoddoo Inn

أين تقع جزر المالديف

وهو من بيوت الضيافة فائقة الجودة والجاذبية مع مطبخ صغير مجهز وكمان مرافق شواء ومجموعة من الأنشطة المميزة زي ركوب الدراجات والغطس وصيد الأسماك وغيرها

العنوان: Immagu، Thoddoo، Maldives

رقم التليفون: 393333119019

التقييم:  9.4 ممتاز

السعر في الليلة الواحدة:  35 دولار

 بوكينج

  

Adroit Beach Inn

أين تقع جزر المالديف

وهو من الأماكن العائلية جدا مع إمكانية اصطحاب الحيوانات الأليفة وملاعب للأطفال وواي فاي مجاني وفيه مكان خاص للي عايزين البكيني، مع إطلالات مميزة جدا.

العنوان: Whitehouse، Guraidhoo 08080، Maldives

رقم التليفون: 9609518006

التقييم:  8.3 جيد جدا

السعر في الليلة الواحدة:  37 دولار

 بوكينج

  

Coral Beach Maldives

أين تقع جزر المالديف

وهناك هتستمتع بمجموعة من الأنشطة، فإلى جانب منطقة الشاطئ الخاص والتراس ممكن برضه تركب دراجات وتستمتع بالغطس وهتلاقي حديقة وأماكن مجانية للسيارات

العنوان: Coral beach Hangnaameedhoo، 00010، Maldives

رقم التليفون: 9607702270

التقييم:  10.00 استثنائي

السعر في الليلة الواحدة:  37 دولار

 بوكينج

  

وبعد لما عرفت أين تقع جزر المالديف وأرخص الفنادق فيها وتكلفة السفر، نتمنى لك رحلة سعيدة في جزيرة المشاهر والرومانسيين ومحبي الطبيعة والهدوء.

 

 ربما يهمك أيضًا

افضل منتجعات المالديف

أفضل 5 فنادق في جزر المالديف

 
 
 
 

الأسئلة الشائعة

جزر المالديف مناسبة للسفر طول أوقات السنة تقريبًا ولكنها مميزة جدا من يناير إلى أبريل وبتكون الشمس فيها حلوة جدًا في شهور الشتاء، وكمان من شهر مايو إلى شهر أكتوبر تقدر تستمتع فيها بالمية والشعاب المرجانية.

درجات الحرارة في المالديف متوازنة جدًا طول السنة مش هتقل عن 22 درجة ومبتزيدش عن 33 درجة، فمناخها دافئ طول العام، وفيه أمطار من مايو إلى سبتمبر.

طبيعة المالديف قريبة جدًا من سكان العرب والمسلمين وأشهر أكلاتها السمبوسة وهي رقائق خفيفة محشوة بالبصل والبيض، وهتلاقي كمان شوربة السمك ودي عالمية جدا وعليها إقبال خرافي مع أنواع سمك مش موجودة غير هناك.