منتجع كارولز بوريفاج مطروح.. كإنك فعلًا في المالديف
في منتجع كارولز بوريفاج مطروح هتعيش تجربة المالديف بكل تفاصيلها، فكتير مننا بيشوفوا صور جزر المالديف اللي معروف إنها مصيف أغنى أغنياء العالم وبيتمنوا يوم هناك ويقعدوا يتحسروا إنهم مش ممكن أبدًا يقدروا يستمتعوا بالجمال والهدوء والفخامة والأناقة دي ولا اشتغلوا 100 سنة.
لكن إيه رأيك إنك تقدر تعيش تجربة المالديف بأسعار أقل بكتييييييييير جدًا وفي مصر كمان.. أيوة في مصر، وده في ريزورت كارلوز بوريفاج مطروح.
طبعا أسعار المنتجع أغلى من فنادق كتير في مطروح وفي القاهرة وإسكندرية، ولكن إنت لو عايز تغيير حقيقي ويومين في الجنة، أو بتخطط لشهر عسل مميز فممكن توفر مصاريف الفرح وتعيش إنت وعروستك أجمل شهر عسل.
فين منتجع كارولز بوريفاج مطروح بالتحديد؟
منتجع Carols Beau Rivage Matrouh موجود بالظبط على حافو واحة مائية خلابة مش ممكن تقدر تقاوم جمالها وسحرها في مرسى مطروح، وهو بين شواطئ بريستين وبيوفر أجمل إطلالات ممكن تشوفها في أي شاطئ على الإطلاق سواء من لون المية الساحر ونعومة رمال الشط والهدوء التام.
وهو على بعد 5 كم من حمام كيلوباترا وعلى بعد 15 كيلو متر فقط من مطار مطروح يعني 5 دقائق بالعربية تقريبا.
إيه أهم خدمات منتجع كارولز بوريفاج مطروح؟
.jpg)
هتلاقي هناك صالة رياضية متطورة جدًا وفخمة بمعدات تمارين للقلب، بالإضافة إلى مركز سبا متخصص في أهم العلاجات الاحترافية للعضلات والاسترخاء علشان ترجع من هناك إنسان جديد من غير ما تضطر تروح تايلاند أو بالي للاستمتاع بالعلاجات الطبيعية.
كمان هتلاقي أماكن كتير مخصصة للتسوق جوّة المنتجع نفسه يعني مش هتضطر تخرج لبرة سواء عايز تتمشى وتتفرج بس أو تشتري هدايا.
كمان فيه خدمة نقل مجانية للمطار من الفندق، كمان موجود شاطئ خاص و3 حمامات للسباحة.
الأكل نظامه إيه في منتجع كارولز بوريفاج مطروح؟
.jpg)
الأكل هناك متنوع جدا وفيه 6 مطاعم مختلفة، وكمان الفندق نفسه بيقدم وجبات إفطار وغداء وعشاء ولكن الحقيقة اختلفت الأراء حواليها فناس شافوها حلوة جدًا وناس عجبهم الإفطار فقط، وده طبعًا طبيعي.
فلو إنت مهتم بنوعية أكل معينة هيكون عندك اختيارات مطاعم كتير جوة المنتجع وممكن كل يوم تجرّب واحد منهم. وكمان هتلاقي وجبات خفيفة بتتقدم طول الوقت على حمام السباحة ووجبات عالمية متنوعة.
شكل الغرف في منتجع كارولز بوريفاج مطروح؟
خدمة الغرف هناك متاحة 24 ساعة وكل غرفة بتطل على البحر أو حمام السباحة أو الحديقة، وكلها هتلاقي فيها تليفزيون مع قنوات فضائية وميني بار وخزانة للملابس وخزانة لحفظ الأغراض الشخصية.
كمان لو عايز جناح كامل بمنقطة جلوس فده متوافر جدا وممكن يناسب أسرة كبيرة شوية بدل ما تحجز أكتر من غرفة لكن الجناح هيكون فيه مساحات نوم أكتر.
ممكن تعمل إيه في المنتجع؟
.jpg)
في الحقيقة فيه أنشطة كتير قوي بيوفرها منتجع منتجع كارلوز بوريفاج مطروح منها صيد الأسماك، وطبعا السباحة وتوفر الزوارق، وفيه كمان أماكن للعب الأطفال والأهم هو جمال البحر والسباحة فيه اللي مش ممكن تتقارن بأي مكان تاني في العالم.
وفي النهاية فإن المنتجع نفسه مش قريب قوي من وسط البلد ولكن ممكن تطلب وسيلة مواصلات من الفندق وتستمتع بأجمل مناطق التسوق في مرسى مطروح مع المنتجات البدوية العشبية الأصلية، وعمومًا فإن المتزوجين جديد أو اللي بيحتفلوا بعيد جوازهم كانوا أكتر الناس اللي عجبهم المنتجع للهدوء والخدمات والتنوع بحيث إنهم مش محتاجين يخرجوا برة.
