مطعم سيدرا القلعة إسكندرية.. خروجة ملوكي مش ممكن تنساها
مطعم سيدرا القلعة إسكندرية يعتبر واحد من أفضل المطاعم على الإطلاق في عروس البحر المتوسط، فهناك هتجمع بين أكتر من حاجة مميزة، فهتلاقي الأكل اللبناني الأصيل بكل أنواعه سواء سلطات أو مشهيات أو وجبات رئيسية.
بالإضافة للمنظر الأكتر من رائع على البحر وجنب قلعة قايتباي اللي من أهم معالم إسكندرية، وكمان هتلاقي وجبات شرقية وغربية وسمك، يعني هترضي كل الأذواق، وممكن تستغنى بيه عن أي مطاعم تانية.
إيه أهم حاجة بتميز مطعم سيدرا القلعة؟
مطعم سيدرا القلعة من أشيك المطاعم وأكثرها أناقة هناك، فالخدمة مميزة جدًا وسريعة والأكل في منتهى الذوق والطعم لا يُعلى عليه، لكن الفاتورة ممكن تكون عالية شوية.. بس إنت عايز إيه من مطعم بيقدم كل حاجة من الفطار للعشا وعلى البحر وقدام القلعة كمان.
إيه اللي ممكن تاكله في مطعم سيدرا القلعة إسكندرية؟
زي ما قلنا لك هتلاقي كل حاجة، من الفول والطعمية لحد الفتوش والتبولة والكفتة والبيتزات والمكرونات بأنواعها وطبعا الشاورما والمناقيش والطواجن المختلفة وغيرها.
وكمان هتلاقي الحلويات بأشكال كتيرة وأهمها الأيس كريم اللي بيتعمل هناك مخصوص وحلويات شرقية وغربية وغيرها.
لكن علشان الفاتورة الغالية شوية ممكن تحاول تجرَّب دايما الأطباق المميزة، يعني متروحش تدفع كتير في أكلة عادية ممكن تاكلها في أي مكان تاني، واحنا بننصحك هنا بالمناقيش والمشويات وكمان الشاورما أخدت تقييمات إيجابية كتير قوي.
هل فيه فروع تانية لمطعم سيدرا القلعة؟
فيه فعلا فرع تاني في أوربا وهو مفتوح من 1 ظهرًا إلى 12 مساءً، ولخدمة التوصيل من مطعم أوربا ممكن تتصل على الأرقام دي: 01204933933-033405288-01274886666-01274886666
إيه مواعيد العمل في مطعم سيدرا القلعة الإسكندرية؟
.jpg)
المطعم الأصلي مفتوح من الساعة 9 صباحًا وحتى 12 مساءً وبيقدم وجبات إفطار متنوعة سواء مصرية أو لبنانية أو حتى يونانية وعالمية، وده برضه موجود في وجبات الغدا بالإضافة طبعًا لركن الأسماك البحرية المميز من السي فود والطواجن وغيرها.
هل فيه توصيل طلبات من مطعم سيدرا القلعة الإسكندرية؟
طبعًا فيه توصيل طلبات من الأرقام دي 01200010246 ، 034843150
بس هو مبيروحش لكل الأماكن، يعني هتلاقيه بيروح ميامي والسيوف والإبراهيمية وسيدي جابر والشاطبي وجليم وحوالي 20 منطقة تانية، علشان كده قبل ما تعمل حسابك على أي أكل من هناك لازم تتصل الأول وتعرف بيروح منطقتك ولا لأ.
هل ممكن تروح مطعم سيدرا القلعة من غير حجز؟
للأسف لأ ودي شوية من الحاجات اللي ممكن تضايق في المطعم ده لإنهم بيطلبوا ضرورة الحجز المسبق للمكان بعدد الأفراد وهل إفطار أو غدا أو عشا يعني بتحدد المعاد قبلها بيوم تقريبًا، يعني هو مش من الخروجات اللي ممكن تيجي على غفلة ولا وإنت معدي كده تقرر تدخل.. لكنها أكيد من الخروجات اللي هتفضل تحلف بيها طول عُمرك.. وبالهنا والشفا.
