فروع العربية للطيران في مصر

فروع العربية للطيران في مصر

تعتبر فروع العربية للطيران في مصر هي مركز العمليات الثالث لشركة العربية للطيران وذلك بعد افتتاح المركزين الأول والثاني في كل من الشارقة والدار البيضاء.

وتتعدد فروع العربية للطيران في مصر لتقديم رحلات بأسعار منخفضة التكلفة وفي الوقت نفسه تتمتع بقدر كبير من الرفاهية والراحة مما جعلها من أكثر الشركات التي عليها إقبال في مصر.

متى تم افتتاح فروع العربية للطيران في مصر؟

تم افتتاح مركز العربية للطيران في مصر في 9 سبتمبر 2009، وهي عبارة عن شراكة مجموعة ترافكو للسياحة والفنادق وبين شركة العربية للطيران والتي تملك 40% من رأس المال.

وكان الهدف الأساسي من إنشاء مركز العمليات الثالث للعربية للطيران في مصر هو المساهمة في نمو قطاع السياحة والسفر بشكل كبير وخصوصًا بين الدول العربية.

ما هي أهم فروع العربية للطيران في مصر؟

هتلاقي 3 فروع موجودة في مصر تابعة للعربية للطيران، وكل فرع منها بيقدم لك خدمات متكاملة سواء زرته مباشرة أو من خلال الهاتف، والمراكز دي هي:

1. فرع العربية للطيران في إسكندرية:

وده المركز الرئيسي للشركة في مصر وموجود تحديدًا في مطار برج العرب الدولي في إسكندرية، وهتلاقي الفرع مفتوح يوميًا من السبت للخميس وده من 9 صباحًا وحتى 5 مساءً.

التليفون: 5858815 - 5858372 - 5858376

 وفيه فرع تاني في محطة الرمل  في 7 شارع سيزوستريس متفرع من ش صلاح سالم بجوار الصيدلية المركزية، والخط الساخن 16278

2. فرع القاهرة:

وهو موجود في 16 شارع 26 يوليو المتفرع من ميدان لبنان في المهندسين، ومواعيد العمل برضه من السبت للخميس من 9 صباحًا وحتى 5 مساءً.

التليفون: 023342917

3. فرع المنصورة:

وده آخر فرع تم افتتاحه من فروع العربية للطيران في مصر لتقريب المسافات على أبناء الدلتا، وهو موجود في شارع المشاية السفلية في مدينة المنصورة نفسها.

التليفون: 20502200828 - 20502200836.

معنى كده إن مفيش فروع للعربية للطيران في أي محافظة في الصعيد؟

حتى الآن مفيش فروع للعربية للطيران في محافظات الصعيد، ولكن ده مش معناه إن طائرات العربية مبتقفش في الصعيد، ففي 20 يناير 2019 أعلنت شركة العربية للطيران مصر عن توفير رحلتين أسبوعيا من سوهاج إلى الرياض يعني ممكن من أي محافظة في الصعيد تحجز على العربية للطيران بس هتسافر من مطار سوهاج، وهتكون لحد دلوقتي للسعودية فقط.

هل لازم الحجز مباشرة من فروع العربية للطيران في مصر؟

مش لازم تروح بنفسك للحجز طبعا، ففيه طرق إلكترونية ممكن بيها تحجز التذاكر وتعمل تعديل على المواعيد وإلغاء الحجز أو تغيير الدرجة اللي هتسافر عليها وغيرها.

ومن الطرق دي إنك طبعًا تدخل على الموقع الإلكتروني نفسه للشركة وتختار الرحلة والوزن اللي إنت عايزه وهو بيتراوح بين 20 كجم أو 30 كجم أو 40 كجم وده ممكن تحدده أونلاين بس، ولكن لو في المطار نفسه فكل اللي هيكون مسموح لك بيه هو 20 كجم، علشان كده لو معاك شنط كتير فمن الأفضل إنك تحجز الوزن الزائد من البداية علشان متخضعش لرسوم وزن زائد في المطار.

أهم إجراءات السفر على فروع العربية للطيران

متاح لأي مسافر حجز تذكرته قبل 24 ساعة من الإقلاع من الشارقة، أما في باقي الدول العربية فممكن تحجز قبل السفر بـ12 ساعة فقط، ودي من الأمور المهمة جدًا للشركة دي وهي المرونة التامة في الحجز والإلغاء والتعديل على المواعيد.

موقع سكاي سكنر

افضل المتاجر الالكترونية التي تقدم خصومات للرحلات السياحية