تأشيرة عمل للإمارات مضروبه

تأشيرة عمل للامارات مضروبة ،من منا لا يبحث عن فرصة عمل أفضل؟ الكثيرون يبحثون، ولكن للأسف ليس الجميع يمكنه الوصول لذلك، وهكذا يقفز حلم السفر للعمل في الخارج، لتظهر مشكلة أخرى وهي استغلال البعض لحاجة الآخرين للعمل للنصب عليهم، حيث يوهموهم بفرص عمل مميزة وغير حقيقة، بل يتم تقديم عقود عمل تبدو سليمة تمامًا لتحدث الكارثة ويتم النصب على طالب العمل بدلا من الاستفادة.

تأشيرة عمل للامارات مضروبة

اليوم سنعرض عليك كل ما تريد معرفته عن كيفية كشف تأشيرة عمل للامارات مضروبة لتستطيع كشف أي نصاب بعقد عمل غير حقيقي، ونجيب عن سؤال كيف أعرف أن تأشيرة العمل مضروبة؟ وكيف اكتشف أن عقد العمل غير حقيقي؟

طرق شركات النصب

في السطور التالية ستكون الإجابة على استفسار هام جدًا كيف أعرف أن تأشيرة العمل مضروبة؟ وذلك عندما تجد صاحب فرصة العمل يطلب منك هذه الأمور، أو يوهمك بها.

عقد العمل بالدولار

 

 أول ما تلاقي عقد عمل جايلك بالدولار تأكد ان دي عملية نصب، لان دولة الامارات عقودها الرسمية بتكون بالعمله الرسمية  الدرهم الاماراتي

ربما يهمك أيضًا

قصة ال 1000 دولار لو مسافر الامارت

تأكد من تأشيرتك السياحية

مدخل بيانات ب 6 الأف درهم

 

عشان النصاب بيحب الطماع  بتلاقي عقد العمل مغري جدا ، بس مش بيكون السعر مبالغ فيه عشان محدش يشك، غالبا بيكون الراتب المذكور بين  5 الاف الي 6 الاف درهم  

أملئ فورم طويل

 

 النصاب بيبقي ذكي جدا عشان كده بيقدم بعض الفورم عشان تملاها و تحس بمدي دقة البيانات و تتوهم بالاختام و التنظيم وطبعا بيكون موجود اسم وزارة الموارد البشرية والتوطين

وثق شهاداتك من الشركة الفلانية

 

طب البداية منين ، بيبدأ يطلب منك تصديقات للشهادات الدراسية و الخبرات من شركات معينة و ده طبعا هجص لان تصديقات الشهادات الدارسيه بتكون من الكليه او المعهد ، و بعد كده الخارجيه المصريه ، عشان بعد كده تروح بيها السفارة الاماراتيه في القاهرة تصدق علي كل ده . فاي حاجه غير كده اعرف ان دي نصباية. 

ربما يهمك أيضًا

عنوان السفارة الاماراتيه بالقاهرة 

ادفع رسوم تصديقات ورق

 

 طبعا التصديقات دي بتكون بمبالغ تتراوح من الفين الي ٣ الاف جنيه حسب الزبون . عشان كده متبقاش زبون 

أرقام تواصل وايميلات وهمية

 

 الحبكة الدرامية  طبعا بتكون ارقام تليفونات و ايميلات وممكن موقع الكتروني و بيكون مقر الشركه في  مكان صعب توصله و غالبا مش بيكون موجود اساسا ، يعني لو انت من اسكندرية يقولك تعال مكتب الشركة في مرسي علم.

 

نقطة اخيرة

حاليا في 2021 دولة الامارات مش بتصدر تاشيرات عمل للمصرين من خارج الدولة ، طبعا ممكن الموضوع يتغير بس دة الوضع الحالي، 

 

معلش نقطة اخيرة كمان

مفيش شركة بتطلب من الموظف انه يدفع فلوس الاقامة  قبل ما يوصل،  بعض الشركات  ممكن تخصم تمن الاقامة من الراتب علي 6 شهور وده بيكون في اضيق الحدود. 

 

لو عندك اي استفسار اتواصل معانا علي 

واتس 00971501080918

ايميل info@yallabook.com