أحلى قهوة في إسكندرية

أحلى قهوة في إسكندرية

صراحة يعتبر تحديد أحلى قهوة في إسكندرية من الأمور المستحيلة إلى حد كبير، فهناك هتلاقي مقاهي وكافيتريات عمرها على الأقل 100 سنة ويمكن أكتر، وكلها بتتسابق وتتفنن في تقديم ألذ وأطعم قهوة سواء على الطريقة اليونانية أو التركية أو المصرية الأصيلة.

لكن كتير من زوّار عروس البحر الأبيض المتوسط وعشّاق القهوة أجمعوا تقريبًا على عدد من المقاهي العريقة واللي تقدر فيها تدوق أحلى قهوة على الإطلاق مع الاستمتاع بجمال الطبيعة السكندرية الساحرة والانتقال لأجمل فترات العراقة والأصالة، فيالا مع بعض نعرف تروح فين علشان تشرب أحلى قهوة في إسكندرية.

1. قهوة البن البرازيلي:

صراحة نادر لما تلاقي حد يختلف معاك على إن قهوة البن البرازيلي في إسكندرية هي أحلى قهوة ممكن تشربها على الإطلاق مش بس في إسكندرية ولكن في مصر كلها، فهي بتعتبر من أقدم المقاهي على الإطلاق في عروس البحر الأبيض المتوسط، وتم تأسيسها سنة 1928 على يد الخواجة سيدارس.

والمقر الرئيسي ليها في شارع فؤاد وده أول فرع، كمان هتلاقي فرع تاني في محطة الرمل، والثالث والأخير موجود في منطقة جليم.

وبطابع يوناني ملفت ومثير هتعيش أحلى تجربة على الإطلاق، فالبن هناك بييجي من البرازيل رأسًا وبيطحن ويكون دايمًا طازجة مع تحويجة مميزة ومخصوصة لزبائن المقهى.

وبين أغاني فيروز والموسيقى اليونانية فمش ممكن تبدأ يومك هناك بحاجة أحلة من كده، فسواء كنت زائر أو حتى من أهل البلد، فأكيد لازم تستمتع بالبن هناك ولو إن سعره غالي شوية.

2. قهوة سفيانو باولو:

وهو كمان مقهى يوناني الأصل تم تأسيسه سنة 1932 ولكن المبنى كان في الأساس مكتب بريد يوناني واشتراه الخواجة سفيانو باولو وكان ليه شريك مصري هو رجل الأعمال إيهاب طنطاوي، ورغم رحيل باولو عن مصر بعد الثورة إلا إن اسم المقهى فضل زي ما هو إكرامًا لذكراه.

وفي الحقيقة مش ممكن تتوه عن المحل، فبمجرد دخولك محطة الرمل هتلاقي أجمل ريحة قهوة ممكن تستنشقها على الإطلاق، وكل ما تقرب هتحس إنك في عالم تاني.

فمن الديكورات القديمة إلى أدوات طحن البن التقليدية إلى صور عبد الحليم وفريد الأطرش وغيرهم هتعيش أحلى الذكريات وتشرب أحلى تشكيلة من القهوة أو النسكافيه أو حتى الأنواع الحديثة منها.

3. مخازن البن الأهلية:

أحلى قهوة في إسكندرية

وهو في الحقيقة مكان لبيع البن بجميع أنواعه تقريبًا لكن مفيش مكان للجلوس أو الاستمتاع بالمناظر الطبيعية، ولكن لو إنت من عشاق القهوة الحقيقيين وعايز تستمتع بيها في اي مكان أو حتى تسافر بيها وتهديها لحد عزيز عليك فأوعى تتردد في إنك تشتري بن محوِّج وسادة من هناك ومش ممكن هتندم أبدًا.

4. قهوة فاروق:

ومعروف برضه باسم قهوة كاليميرا، وصراحة كثير أجمعوا إن القهوة هناك حلوة جدًا ومميزة، ولكن الأكثر تميزًا هناك إن القهوة في وجه بحري يعني الأصل الإسكندراني العريق والمميز، وتم إنشاؤه سنة 1928.

وسر تسميته باسم الملك فاروق إن موكبه مرّ في يوم من قدامه وصاحبته طلبت من الملك يدخل المقهى ووافق فعلًا، ومن يومها بقى اسمه مقهى الملك فاروق وفيه ركن ملكي وحاجة آخر أُبهة، علشان كده هو لعشاق التجارب المختلفة والقهوة الملكية برضه.

5. قهوة وحلواني ديليس:

والقهوة دي هي ملتقى العشاق، سواء عشاق الجاتوه أو القهوة أو أي عشاق، فالمنظر جميل على البحر والطابع اليوناني الجذاب الموجود في كل ركن من أركان المكان، وصور تورتة زفاف الملك فاروق على الملكة فريدة اللي كانت من إعداد كلوفلوس موستاكاس صاحب القهوة، كلها حاجات تخليك تعشق المكان ومش ممكن تروح إسكندرية من غير ما يبقى على قائمة الأماكن اللي هتزورها وتستمتع بيها وتدوق أحلى قهوة في إسكندرية.

6. Coffee HOME:

Coffee HOME من كافيهات كفر عبده في محافظة الاسكندرية وهو كافيه مميز يجمع بين الرقي والجو الهاديء وجودة الأطعمة والخامات المستخدمة في إعدادها وكذلك المذاق الشهي بالإضافة للأسعار المنافسة. يصلح لكافة الزوار الأصدقاء والعائلات والمتزوجين حديثًا ليستمتعوا بجو من الرومانسية والجمال