مطاعم سمك في الإسماعيلية
مش هتضطر تدوَّر كتير لو عايز مطاعم سمك في الإسماعيلية، فهي من المدن المصرية المعروفة جدًا بتنوع أنواع السمك فيها سواء البحرية أو النيلية، فهتلاقي مطاعم السمك من الأماكن المميزة جدًا هناك ودايمًا هتلاقي اللي إنت عايزه سواء جمبري ولا سبيط ولا كابوريا ولا بوري، ده غير الوجبات المشكِّلة والإبداعات اللي بتميز الإسماعلاوية.
فيالا نتعرف مع بعض على مجموعة من أفضل مطاعم سمك في الإسماعيلية سواء من حيث الخدمة أو تنوع الوجبات وفيه منها بيوصل لحد البيت كمان.
1. مطعم حسن أبو علي للمأكولات البحرية:
وده من المطاعم المميزة جدًا في الإسماعيلية عمومًا ومش بس على مستوى مطاعم السمك، فهتحس هناك إنك في مكان خيالي والمنيو بتاعه متنوع جدًا، فمن ملوخية بالجمبري لشوربة بحر للسمك الفيلية والسنجاري والمقلي، وأكتر من 7 أنواع من الأرز ده غير السلطات.
وهو مشهور إن أكله دايمًا طازة وأسعاره كمان معقولة جدًا علشان كده يعتبر من أشهر مطاعم سمك في الإسماعيلية.
العنوان: 16 شارع سيتي والأهرام، المحطة الجديدة، الإسماعيلية.
التليفون: 3505575064- 01094799550
وده بقى هتلاقي عنده أحلى شوربة سي فود تدفيك في الشتا والبرد اللي بتتميز بيه الإسماعيلية، ولو روحت ف يالصيف فهتلاقي السوبيا والسمك والكابوريا مع أحلى بطارخ ممكن تاكلها في حياتك، أما عن الملوخية بالجمبري فمش ممكن هتقدر تقاومها.
كمان من أهم حاجة في المكان واللي لفتت أنظار كل زوّاره هو النظافة الشديدة جدًا والشياكة وكمان المنظر اللي قدامك مبهر لإنه على طريق البلاجات تمامًا، وأسعاره كمان معقولة جدًا، واسمه كمان مطعم المراكبي.. يعني الاسمين لنفس المطعم.
العنوان: قرية النورس- طريق البلاجات- بجوار شاطئ الشبان المسلمين
التليفون: 01090377513- 01220197582 - 01220196587
وده بقى ليه عشاق كتييييييير قوي على مستوى جمهورية مصر العربية كلها مش بس في مدن القنال، هو كان قفل فترة ولكن رجع تاني بقوة ومع أجود وأغرب أنواع السمك برضه، فهتلاقي هناك أنواع عمرك تقريبًا ما سمعت عنها ولا هتاكلها غير عندهم.
ده غير المنطر الرائع قدامك لإنه برضه على طريق البلاجات والتحبيشة المميزة لكل أنواع السمك هتخليك محتار تاكل إيه ولا إيه، بس دايمًا مش هتلاقي أفضل منه.
العنوان: شارع عبد المنع عمارة، بجوار مبنى مباحث أمن الدولة، طريق البلاجات.
التليفون: 0643915978- 01223906767
وده من المطاعم اللي مش ممكن تتخيل فخامتها وأناقتها على الإطلاق، فرغم إنه أصلا كان كافيه في الإسماعيلية من سنة 1991، إلا إنه دلوقتي واحد من أفضل وأشيك مطاعم سمك في الإسماعيلية.
فالسوبيا الطازة مش هتلاقي زيها، أما الجمبري هناك فحكاية لوحده، ده غير أنواع الشوربة والبطارخ وغيرها أكلات للي عايزين فوسفور على أصوله، وكل ده بأسعار مميزة جدًا ومش ممكن هتندم أبدًا على تجربتك هناك وأكيد هتوصي بيه لكل أصحابك ومعارفك، وكمان هتلاقي فيه حديقة أطفال وقاعات شتوية مغلقة.
العنوان: الفرع الرئيسي:طريق عمارة السياحي -أمام قرية النورس. الفرع الثاني:ش طارق بن زياد- ش فاروق مطعم للمأكولات البحرية.
التليفون: 01282800045
سواء الديكور الهادي أو الإطلالة المميزة أو الخدمة اللي ملهاش حل، فأكيد هتتبسط جدا في المطعم ده، فهو من المطاعم القليلة في الإسماعيلية اللي هتلاقي فيها الكافيار واللي يعتبر تمنه غالي شوية بس طبعا ميغلاش عليك.
وكمان عندهم خدمة توصيل الطلبات واللي بتكون مع أحلى السلطات اللي ممكن تاكلها على الإطلاق، فهو أكيد من التجارب اللي هتحب تكررها كل ما تروح الإسماعيلية.
العنوان: سوق السمك الجديد- طريق البلاجات.
التليفون: 01274030301- 01000843662
ودلوقتي بعد لما عرفت أحلى مطاعم سمك في الإسماعيلية أوعى تنسى تقول لنا رأيك لو زورت أي مطعم فيهم.
