أقرب محطة مترو لشارع لبنان المهندسين
لو بتدور على أقرب محطة مترو لشارع لبنان المهندسين سواء لشراء ملابس أو أحزية أو أجهزة كهربائية أو حتى عايز تروح واحد من المولات المشهورة هناك ففيه أكتر من اختيار، وهم يا إما محطة جمال عبد الناصر وهي اسمها الإسعاف برضه أو محطة الدقي أو البحوث، ومن المتوقع افتتاح محطة مترو في شارع جامعة الدول العربية وبيتفرع منه شارع لبنان ودي هتكون أقرب محطة، ولكن لحد مايو 2021 كانت لسة قيد التنفيذ.
هل هتحتاج تركب من أقرب محطة مترو لشارع لبنان المهندسين
أقرب محطة مترو لشارع لبنان المهندسين هتركب منها لمدة 5 أو 10 دقائق وفقًا للعنوان اللي هتنزل فيه بالظبط، وهم زي ما قلنا 3 محطات وكلهم تبع الخط الثاني اللي بيوصل من شبرا للجيزة:
· محطة مترو جمال عبد الناصر (الإسعاف): ودي هتلاقي منها ميكروباصات كثير بتروح شارع جامعة الدول العربية وكمان بولاق الدكرور وبتمشي من تحت كوبري أكتوبر، وده هتقدر تنزل منه على ناصية شارع لبنان، والطريق هياخد من 20-40 دقيقة حسب وقت الزحمة.
.png)
· محطة مترو الدقي: لو خرجت من محطة مترو الدقي ناحية المهندسين فهتكون في شارع البطل أحمد عبد العزيز، وده منه ممكن تركب أي تاكسي لمدة 5 دقائق هتكون في ميدان سفنكس أو منتصف المهندسين وتقدر تتمشى ساعتها لشارع لبنان أو تركب ميكروباص.
· محطة البحوث: وده منها تقدر تركب أي ميكروباص رايح لشارع السودان أو شارع جامعة الدول العربية وفي الحالتي هتعدي على شارع ميدان لبنان وكمان بيعدي على مجموعة من أشهر المناطق الموجودة زي النوادي والمولات وسوق الكمبيوتر وغيرها.
موضوعات ذات صلة
كيف أعرف أقرب محطة مترو لموقعي
ايه المميز في شارع لبنان المهندسين ؟
ناس كتير عايزة تعرف أقرب محطة مترو لشارع لبنان المهندسين لإنه واحد من الشوارع المميزة جدًا في القاهرة عمومًا وفي المهندسين خصوصًا.
فالمهندسين واحدة من أرقى المناطق في القاهرة، وتأسست سنة 1950 وكانت عبارة عن مجموعة كبيرة من الفيلات في البداية، وهي بتضم مجموعة من أشهر الشوارع زي شارع جامعة الدول العربية واللي فيه جامع مصطفى محمود اللي بيعتبر واحد من أشهر المساجد في القاهرة وهو قريب كمان من ميدان لبنان المتوفر فيه مجموعة كبيرة من البنوك والمحلات.
كمان فيه مجموعة كبيرة من الشركات في شارع لبنان المهندسين علشان كده الموظفين تحديدًا أفضل لهم استخدام المترو، وحتى لو عايز خروجة حلوة مع أصحابك فهتلاقي مطاعم وكافيهات كتير ومولات ودور سينما وغيرها كتير بالإضافة لإن التمشية هناك مذهلة جدًا.
ولو عايز تشتري جهاز كمبيوتر متميز أو تصلحه فهتلاقي هناك واحد من أكبر أسواق الكمبيوتر في القاهرة وهو تحديدًا في ميدان سفنكس القريب جدًا من ميدان لبنان وتقدر تنزل محطة المترو وتركب أي ميكروباص لأي مكان حوالين شارع جامعة الدول العربية أو ميدان لبنان أو ميدان سفنكس.
وبعد لما عرفت إيه أقرب محطة مترو لشارع لبنان المهندسين هنقولك في الآخر إن فيه أكتر من نادي في المنطقة دي أشهرهم نادي الصيد ونادي الزمالك ونادي الترسانة وكمان نادي الزراعيين.
.jpg)