مواصلات من عبود لمطار القاهرة الدولي
لو بتدوّر على مواصلات من عبود لمطار القاهرة الدولي فهتلاقي أكثر من طريقة سهلة غير التاكسي أو الملاكي، فسواء كنت رايح تستقبل حد أو مسافر ومعاك شنط تقيلة أو خفيفة فممكن من موقف عبود تلاقي وسائل مواصلات مريحة ورخيصة توصلك وجهتك من غير مجهود أو تكاليف كثيرة، فيالا نتعرف على المواصلات المتاحة من عبود لمطار القاهرة الدولي.
مقالات ذات صلة
مواصلات من مطار القاهرة إلى رمسيس
الفرق بين المطار القديم والجديد في القاهرة
ليه تختار مواصلات من عبود لمطار القاهرة الدولي؟
.jpg)
عادة اللي بيدوّر على مواصلات من عبود لمطار القاهرة الدولي هم اللي جايين من محافظات خارج القاهرة وعايزين يروحوا المطار بأسهل وأرخص طريقة، وده لإن موقف عبود بيضم سيارات أجرة وأتوبيسات وميكروباصات من جميع محافظات مصر وبتروح أي منطقة سواء شرق أو غرب وبيضم أكثر من 4 آلاف سيارة وأتوبيس وميني باص.
وأصبح الإقبال شديد جدًا على الموقف من بعد عام 2016 بفضل عمليات التطوير المتنوعة اللي تمت فيه وتنظيم الشركات والتعريفة والمراقبة المستمرة من محافظة القاهرة والسُلطات لضبط أي مخالفات، علشان كده أصبح السفر من خلاله آمن جدًا ورخيص ولأي مكان سواء في القاهرة أو في جمهورية مصر العربية عمومًا.
وموقف عبود موجود في منطقة عبود بحي شبرا واللي بيعتبر واحد من أقدم وأكبر الأحياء في القاهرة وبيضم مجموعة ضخمة من القصور والآثار والمناطق السياحية المتنوعة والمطاعم والمولات وغيرها، وممكن نزولك في موقف عبود يسمح لك بالفسحة والتجول في منطقة متنوعة جدًا.
إيه أفضل مواصلات من عبود لمطار القاهرة الدولي؟
.jpeg)
علشان تروح المطار من عبود فيه عندك أكتر من طريقة سواء ميكروباص أو مترو، ومن أهم المواصلات دي هي:
· ميكروباص عبود - الترعة، وده هتنزل منه في شارع اسمه خلوصي وهتلاقي فيه ميني باص رقمه 111 وده متوفر جدًا وهينزلك في محطة المطار مباشرة من غير لف ولا دوران.
· ميكروباص عبود - روكسي، وتنزل منه في شارع ترعة الجبل تبع منطقة المطرية وبعدين هتستنى ميني باص رقمه 158 وبرضه هينزلك عند محطة مطار القاهرة الدولي من غير لف وشحططة ومواصلات كثير.
· ميكروباص عبود - العتبة، ومش هتنزل في الآخر لأ هتنزل في ميدان رمسيس وتركب ميني باص رقم 158 وهتنزل مباشرة عند محطة المطار.
· ميكروباص عبود - العتبة، وهتنزل عند شارع رمسيس وتركب ميني باص رقم 133 وبرض هتنزل في محطة المطار.
· ميكروباص عبود - العتبة، وده هينزلك برضه عند ميدان رمسيس ومنه ممكن تركب ميني باص 111 أو أي ميني باص من اللي ذكرناهم قبل كده..
· ميكروباص عبود - العتبة، وهتنزل منه في شارع أحمد حلمي وهتلاقي ميني باص 324، وده بينزلك مباشرة عند محطة مطار القاهرة الدولي.
· ميكروباص عبود - أحمد حلمي، وتنزل منه في شارع أحمد حلمي نفسه، وبعدين هتستنى ميني باص رقم 158 وده هينزلك زي ما قلنا قبل كده عند محطة المطار نفسها.
· ميكروباص عبود - أحمد حلمي، وهتنزل منه عند محطة أحمد حلمي وبعدين هتركب ميني باص رقمه 133 وتنزل عند محطة مطار القاهرة الدولي.
·
· لو عايز تركب أتوبيس من عبود لمطار القاهرة الدولي ففيه أكتر من خط هياخدك مباشرة لهناك ممكن تركب أي واحد موجود منهم في الموقف وهم أرقام 925، 970، 971، 324، 366، 1003.
· أما لو عايز مترو الأنفاق، فممكن من عبود تركب ميكروباص أو تتمشى لمحطة مترو المظلات وبعدين تنزل في العتبة ومنه تاخد اتجاه محطة مترو عدلي منصور وهي آخر محطة في الخط ده لحد سنة 2021، ومن هناك تقدر تاخد شاتل باص وده هيوصلك مباشرة لصالة 2 في المطار، فلو انت مسافر منها مش هتهحتاج تركب حاجة كمان، أما لو هتسافر من صالة تانية فممكن تركب أتوبيس المطار المجاني يوصلك للصالة بتاعتك.
والطريقة الأخيرة بتاعة المترو يمكن تبان إنها أصعب لإن فيها أكثر من وسيلة مواصلات، ولكنها من الأسرع على الإطلاق، خصوصًا لو نازل في وقت زحمة أو أعياد أو مناسبات.
إيه اللي لازم تعرفه عن مطار القاهرة الدولي قبل ما تروح هناك؟
بعد لما عرفنا مواصلات من عبود لمطار القاهرة الدولي لازم تعرف شوية معلومات مهمة عن المطار نفسه قبل ما تروح، وأهم المعلومات دي هي:
· لازم تنزل بدري ساعتين أو تطلع من عبود بدري ساعتين على الأقل من موعد إقلاع الطائرة بتاعتك والمسجلة على التذكرة، وده لإن الفحص وتحميل الحقائب ممكن ياخد شوية وقت، ولو عايز تحجز تذكرتك أونلاين أو تعرف أي معلومات عن الرحلة بتاعتك ممكن تزور تذكرتي.
· بيضم المطار حاليًا 3 مباني للركاب هي المبنى رقم 1 أو المطار القديم وموجود فيه سوق تجاري كبير جدًا وتم افتتاح المبنى ده عام 1963، أما المبنى التاني أو رقم 2 أو المطار الجديد فده تم افتتح سنة 1986 ليستوعب الزيادة الكبيرة جدًا في أعداد المسافرين، أما المبنى الثالث أو رقم 3 وهو الأحدث على الإطلاق.
· فيه حافلات مجانية تقوم كل نصف ساعة للربط بين الـ3 مباني، وكل مبني فيه صالات وصول ومغادرة، علشان كده لازم تتأكد من اسم المبنى ورقم صالة المغادرة.
· مطار القاهرة الدولي يعتبر نقطة ترانزيت عالمية وده بيتيح لك السفر إلى أي مكان في العالم بأسعار مناسبة جدًا بحيث تطلع مباشرة على وجهتك من غير توقف كتير.
ودلوقتي بعد لما عرفت إيه هي أفضل مواصلات من عبود لمطار القاهرة الدولي نتمنى لك رحلة سعيدة وحاول دايمًا تنزل بدري شوية خصوصًا إن وسط البلد عادة بيكون زحمة.
