أفضل أماكن داي يوز في القاهرة

أفضل أماكن داي يوز في القاهرة متنوعة جدًا، فممكن ببساطة شديدة لو مفيش وقت أو فلوس للبحر إنك تقضي يوم كامل مع العائلة في أماكن فيها مية وملاهي وأكل وأنشطة متنوعة زي ركوب الخيل والبيتش باجي وكرة القدم وغيرها، وده بتكلفة متفاوتة جدًا تناسب كل الأذواق، بحيث إن اليوم للفرد الواحد ممكن يبدأ من 100 جنيه في بعض الأماكن لحد 500 جنيه في أماكن تانية.

 

فندق Tolip Family Park Hotel

وهو واحد من أفضل أماكن داي يوز في القاهرة وأكثرها شهرة، لإنه مش بيوفر بس يوم متكامل على حمام السباحة عند حجز غرفة لفردين، ولكنه كمان قريب جدًا من الفاميلي بارك المشهورة بالملاهي المائية والألعاب اللي بتخطف قلب الكبار والصغار وأصلًا الفندق يعتبر تابع ليها، وكمان قريب جدًا من مول الرحاب وبيوفر وجبة إفطار مجانية.

الفندق بيدي لك كمان بارك مجانًا طوال اليوم سواء لسيارات ملاكي أو أتوبيسات يعني مش هتحتار في الركنة وممكن تقضي يوم عائلي لطيف مع الأطفال أو أصحابك وأقاربك، وسعر الغرفة في الداي يوز 1000 جنيه شاملة حمام السباحة والجيم والمساج وغيرها كتير مع مشروبات مجانية واستخدام الغرفة.

 

مقالات ذات صلة

أماكن للخروج في القاهرة

دليل مطاعم القاهرة

أفضل فسح للأطفال في القاهرة

أماكن تصوير فوتوسيشن في القاهرة

 

فندق Rehana Plaza Hotel

وهو من الأماكن المميزة جدًا في زهراء مدينة نصر وبيقدم لك يوم كامل على حمام السباحة مع حديقة للجلوس والاستمتاع، ومتوفر كمان ملاهي للأطفال، وبلاي ستيشن وملاعب كرة قدم، وبيوفر لك وجبة إفطار كونتيننتال مميزة بالإضافة للواي فاي والقنوات المختلفة ومركز سبا للاستجمام مع صالة رياضية وطبعًا مطعم مميز.

تقييم الفندق ده 7.5 وسعر الشالية الداي يوز هو 600 جنيه شامل 4 أفراد لاستخدام حمام السباحة والبشاكير، ولكن بقية الخدمات بأجر مدفوع لكل خدمة، وتقدر تستفسر عن طريق الأرقام دي: 01555069622- 0224013295.

 

فندق جي دبليو ماريوت القاهرة

وده بقى تجربة مختلفة جدًا في القاهرة، فطبعًا كلما عارفين إن القاهرة فيها النيل، ولكن لمحبي البحر فإن فندق جي دبليو ماريوت القاهرة عمل برضه بحر صناعي للي نفسهم يصيفوا ومش عارفين، علشان كده السعر هنا أغلى شوية، ولكن هيوفر لك وقت كبير في السفر والتنقلات.

وسعر الغرفة العادية هو 2000 جنيه في اليوم وتستوعب 4 أشخاص 2 كبار وطفلين أقل من 12 سنة، ومتاح الاستجمام من 11 صباحًا إلى 7 مساءً وهو غير شامل الوجبات والمشروبات.

تقييم الفندق ده هو 8.1 وهو موجود بالظبط في ميراج سيتي على الطريق الدائري التجمع الخامس، وتقدر تستفسر عن أي حاجة على الرقم ده 0224115588.

 

قرية الريف العربي من أفضل أماكن داي يوز في القاهرة

إذا مكنتش من محبي الفنادق قوي وعايز مكان مفتوح أكتر للداي يوز فقرية الريف العربي من الأماكن المميزة جدًا، ولكن خلي بالك لإن فيه كذا اسم، واحنا هنا بنتكلم عن الريف العربي في المريوطية، وهتلاقي هناك مجموعة من أجمل الأنشطة المتنوعة زي ركوب الخيل وركوب الجمال، وبيقدم لك وجبتين إفطار فلاحي فطير مشلتت عمرك ما أكلت زيه وكمان جبنة قديمة وعسل أصلي، والغدا متنوع بين البط والسمك والحمام والفراخ المشوية والكفتة وغيرها.

طبعا فيه أكتر من حمام سباحة مع أكوا بارك صغير شوية، وفيه ملاهي للأطفال وبيتش باجي وكمان سينما وفيه مفاجأة مع هواة الحيوانات، لإن فيه جزء تقدر فيه تمسك وتتصور مع حيوانات مختلفة زي الثعبان والتمساح الصغير والنسناس والجزء ده مجاني تماما وطبعا الحيوانات آمنة والأطفال بيستمتعوا بيه جدا.

احجز الآن

 

بيوت باي

ودي المرة دي على طريق الإسكندرية الصحراوي يعني بعد الشيخ زايد بشوية، علشان كده ممكن تكون مناسبة برضه لسكان الإسكندرية والجيزة والمدن الجديدة، وفيها حمامات سباحة وبينت بول بالإضافة إلى الأكوا بارك، والأكل هناك متنوع أكتر من الريف العربي فهتلاقي شرقي وإيطالي وكمان صيني، والتذكرة للكبار هي 250 جنيه، أما ال

وتقدر تستفسر على التليفون ده 01065111111، وتقدر تحجز فيه غرف برضه للاستجمام.

احجز الآن

 

منتجع نايل باراديس

وده بقى حاجة مختلفة تماما عن كل اللي فات، فإذا كنت من هواة قعدة النيل والإفطار قدامه وتمضية يوم كامل مع أنشطة ترفيهية متنوعة، فكل اللي هتحتاجه موجود في نايل بارادايس في جزيرة وسط النيل في المعادي وتحديدًا في المنيل، ومفتوح هناك من 9 صباحًا لحد 6 مساء.

وهتلاقي هناك حمامات سباحة متنوعة وعروض استعراضية ومسابقات وألعاب للأطفال ووجبات، وسعر اليوم للفرد هو 600 جنيه من دون وجبة.

احجز الآن 

 

قرية العزبة

ودي من أماكن الداي يوز في القاهرة اللي على قد الإيد جدًا ورغم ده فهي مميزة وهتقضي برضه يوم جميل من غير ما تشيل هم الأكل، وهتلاقي فيها حمامات سباحة وملاعب للأطفال وأماكن مخصصة لركوب الخيل وملاعب كرة قدم كمان، وهي من الأماكن المفضلة جدا للعائلات.

وهي على طريق سقارة السياحي وبتفتح متأخر شوية عن الاماكن التانية، فممكن تروح من 10 صباحا لحد 8 مساء.

احجز الآن 

 

قرية صدفة باشا

وهي برضه من الأماكن الرائعة في المريوطية، وتقدر تقضي فيها أجمل داي يوز يخطر على بالك، وبتتمتع بمساحة كبيرة جدا وهتلاقي هناك البلياردو والبينت بول وكرة السلة وكرة طائرة وركوب الخيل.

بالإضافة إلى حمامات السباحة طبعًا والقعدة البدوي والحدائق وملاعب مخصصة للأطفال.

احجز الآن 

 

وفي النهاية بنأكد لك إن واحدة من أماكن الداي يوز في القاهرة هتخليك تحس إنك رحت المصيف فعلًا بتكاليف أقل بكتير وممكن تروح أكتر من مكان سواء في الويك إند أو في أيام الأسبوع العادية سواء لو مش عارف تاخد أجازة طويلة من شغلك وهتموت وتخرج تغير جو أو مفيش مصاريف كفاية