تصريح إذن السفر من منطقة التجنيد أونلاين
تصريح إذن السفر من منطقة التجنيد أونلاين في مصر أصبح حقيقة واقعة ومريحة جدًا وتعامل غاية في الرُقي وده من شهادات اللي استخدموا الخدمة فعلًا، ففي خطوة مهمة ونقلة نوعية مهمة جدًا في شكل التعامل مع المواطنين عمومًا واللي في سن التجنيد خصوصًا، تقدر دلوقتي لو إنت في سن التجنيد ومعاك إعفاء مؤقت تستخرج إذن السفر عن طريق الإنترنت أو أونلاين من غير ما تروح منطقة التجنيد نهائي وكمان تستلمه على تليفونك وتستخدمه من غير طباعة يعني كفاية إنك تظهر التصريح من التليفون لضابط الجوازات الموجود في المطار.
إزاي تستخرج تصريح إذن السفر من منطقة التجنيد أونلاين؟
.jpg)
بخطوات بسيطة جدًا ممكن تستخرج إذن السفر من منطقة التجنيد أون لاين، وكل اللي عليك إنك:
1. تدخل على موقع التجنيد https://tagned.mod.gov.eg
٢- هتدخل على مكان استخراج تصريح اذن بالسفر وبعدين تكتب رقم البطاقة وهيظهر لك الموقف التجنيدي بالكامل، واكتب البيانات كاملة وصحيحة بدقة بالغة من الاسم باللغة العربية وموقف التجنيد والرقم الثلاثي والرقم العسكري، والرقم القومي.
3. بتختار المكان اللي هتستلم فيه التصريح سواء على التليفون أو تحديد مكان تاني لو عايزه مطبوع.
4. بتضغط على زر تسجيل البيانات وهيظهر لك رقم حتفظ بيه لحين مراجعة البيانات ومعرفة إمكانية سفرك أو فيه موانع تانية ولا لأ.
5. خلال ساعة واحدة ممكن تدخل الموقع تاني للاستعلام بالرقم اللي ظهرلك أو ببطاقة الرقم القومي، وهتظهر لك بياناتك وحالة الطلب وعادة هيتم الرد إما بعبارة:
لا مانع من استخراج تصريح السفر بعد سداد الرسوم المطلوبة.
أو لا مانع من استخراج تصريح السفر بعد تقديم المستندات المطلوبة
6. هتدفع رسوم ٦٠ جنيه مصري عن طريق أي محفظة إلكترونية أو ببطاقة ائتمان، وفي خلال ساعات و بحد أقصي ٢٤ ساعة هتستلم تصريح السفر على رقم الواتس اب أو الإميل او الاثنين.
7. ادخل علي الواتس اب بتاع التجنيد و اكتب رقم البطاقة ( بعد الساعة ٢ ظهرًا) وسيتم الإرسال إلكترونيًا.
ورقم الواتس آب هو: 01275638989
رقم خدمة العملاء: 15499
8. وبتكون الأوراق المطلوبة لاستخراج إذن السفر هي شهادة الخدمة العسكرية في حالة الاحتياط أو شهادة المعاملة التجنيدية، وهتقدم أصل إثبات الشخصية مع مستند لتوضيح الموقف من الاحتياط ويتم إرفاق تصريح السفر المستخرج أونلاين.
مين اللي ليه الحق في استخراج تصريح السفر من منطقة التجنيد أونلاين؟
فيه 5 فئات من الشباب الذكور هم اللي يقدروا يحصلوا على تصريح السفر من منطقة التجنيد أونلاين من غير أي تعقيدات حكومية وهم:
· الشباب اللي تم تأجيل تجنيدهم لظروف الدراسة في الخارج.
· الشباب اللي تم استثنائهم مؤقتًا من تأدية الخدمة العسكرية.
· الشباب الموجودين تحت الطلب لمدة 3 سنوات أو الحاصلين على إعفاء مؤقت لأي سبب يتعلق بالجيش أو لوجود أخ قاصر لهم.
· الشباب بعد تأدية الخدمة العسكرية ولم تنته مدة خدمتهم في الاحتياط.
· الطلاب الذين لم يستكملوا دراستهم بعد داخل البلاد سواء أثناء إجازة نصف العام أو في نهاية العام الدراسي ما عدا طلبة السنوات النهائية وتتم دراسة حالتهم وفقًا للتعليمات.
وبعد ما عرفت أهم إجراءات استخراج تصريح إذن السفر من منطقة التجنيد أونلاين من غير أي تعقيدات حكومية وخلال 24 ساعة بس، ممكن برضه تتعرف على طرق استخراج تصريح السفر عمومًا سواء كنت في التجنيد أو لأ.
