كافيهات للشغل والمذاكرة في القاهرة

كافيهات للشغل والمذاكرة في القاهرة

البحث عن كافيهات للشغل والمذاكرة في القاهرة مش حاجة صعبة قوي زي ما يمكن تتخيل، فمش كل الكافيهات مخصصة بس لمشاهدة مباريات كرة القدم سواء المحلية ولا العالمية.

 ولكن في كافيهات منتشرة في طول القاهرة وعرضها بتتميز بالهدوء التامّ رغم الإقبال عليها، لكن بتكون معروفة إنها مكان للناس اللي عايزة تفصل من جوّ البيت وتذاكر شوية في مكان هادي، أو حتى عندها شغل وعايزة تركز بهدوء، أم حتى للناس اللي عايزة تتأمل في ملكوت الله، ودي أفضل كافيهات ممكن تروحها لو عايز تشتغل أو تذاكر أو تتأمل.

1. كافيه وورك لونج Work Lounge:

وده من الأماكن المميزة جدًا في مصر الجديدة، ومشهور قوي رغم إن مبقالوش فترة كبيرة، لكنه فعليًا من الكافيهات اللي بتقدم خدمة مميزة ومشروبات متنوعة، وهتلاقي فيه خصومات هايلة كمان كل فترة.

وأكتر حاجة بتميزه إن في أماكن مخصصة لو المذاكرة أو الشغل مع مجموعة وفيه كمان غرف للاجتماعات، ده غير إن مكان الجلوس العادي برضه بيكون هادئ ومناسب للشغل والمذاكرة غير التعقيم والنظافة المستمرة.

العنوان: ١٦ شارع الاذاعي صلاح ذكي خلف مسجد ابو بكر الصديق و كافيه لاتينوس، امام مدرسه فويتشرز تك الدور الثالث .

التليفون: 01006205606- 22689931 - 22689925

2. كافيه جيك زوون Geek Zoon:

وده تقريبًا من الكافيهات اللي هتحقق لك كل اللي بتتمناه لو عايز تذاكر أو تشتغل أو حتى تبدأ مشروع صغير ومش لاقي مكتب تستقبل فيه العملاء بتوعك، يعني حلول مبتكرة لأي شاب أو شابة عايز يبدأ حياته بجد، ومنطقة الجلوس فيه مريحة وهادية، والمشروبات سعرها معقول جدًا.

العنوان: طريق مصر حلوان الزراعى ، المعادى الخبيري الواسطي ، المعادى ، محافظة القاهرة.

تليفون: 01095951175

3. كافيه Creativo:

وده من الأماكن المميزة جدًا للي ساكنين في الجيزة والدقي والمهندسين وما حولها، ومهم قوي لطلبة جامعة القاهرة عمومًا، فهو على عكس أي كافيه ممكن تروحه بيوفر لك اشتراك شهري، بيوصل 300 جنيه تقدر بيهم تروح الكافيه كل يوم من الصبح لآخر اليوم من غير ما حد يكلمك.

ولو عايز يوم واحد بس فهو بيكون بـ20 جنيه ومشروبات سخنة مجانًا وأميريكان كوفي وطبعا الإنترنت ضمن الاشتراك، وهتلاقيهم كمان بينظموا اجتماعات وإيفنتات كتير ومبهجة، والمكان نفسه مليان ألوان ويفتح النِفس على الشغل والمذاكرة.

العنوان: 10 شارع حسين واصف , ميدان المساحه, مبني بيتزاهت الدور الثالث, الدقي.

التليفون: 01111595410 - 0233370295

4. كافيه براح Barah:

وده من كافيهات للشغل والمذاكرة المميزة جدًا في منطقة العباسية ولطلبة جامعة عين شمس عمومًا، فرغم الإقبال عليه إلا إنك مش هتحس بأي ازعاج وجه لإنه واسع جدا ومريح وبيقدم خدمات مميزة غير سرعة النت اللي الجميع بيقولوا عليها كويسة جدا، وفيه كمان قاعات مكيَّفة واستشارات عملية.

العنوان: 10 شارع البوستة ميدان العباسية.

التليفون: 01099140914-0224864683.

5. كافيه فلك:

وده من الأماكن المريحة جدا والهادية في جاردن سيتي، ومشهور إنه بيقدم لك أكثر المشروبات الصحية اللي تفيدك في التركيز والمذاكرة من غير قلق، وممكن تلاقي اللي يساعدك في شغلك كمان.

العنوان: 7 شارع جمال الدين أبو المحاسن- قصر النيل- القاهرة.

التليفون: 01064777808

6. مكتبة ديوان:

ودي من الكافيهات اللي اتفقت عليها كل الآراء تقريبًا من حيث الهدوء والخدمة المميزة وفرصة كبيرة في إنك تلاقي كتب عايزها أو حتى نصائح في المذاكرة والشغل، ومن أجمل الحاجات في كافيه مكتبة ديوان إن موجود منه أكتر من فرع ممكن تختار منهم الأقرب ليك.

وهي صحيح مش كافيه بالمعنى المعروف ولكن فيها مكان جلوس حلو قوي وهتضمن فعلًا الهدوء التامّ، يعني لو روحتوا مجموعة مش هينفع تذاكروا أو تشتغلوا مع بعض.

ودي كانت مجموعة من أفضل كافهيات للشغل والمذاكرة في القاهرة، وهتلاقي طبعًا غيرها كتير في كل منطقة ف يالقاهرة زي سيلانترو مثلا وخان سبيس وغيرها.

أقرب مطعم مندي