أفضل مطاعم مشويات في القاهرة

أفضل مطاعم مشويات في القاهرة

معرفة أفضل مطاعم مشويات في القاهرة هيساعدك كتير في تحديد خروجات حلوة ومميزة سواء مع أصحابك أو أسرتك أو حتى لو عايز تفسح خطيبتك أو مراتك في مكان جميل، فمطاعم المشويات مش بس كباب وكفتة لأ دي كمان بتقدم وجبات متنوعة بترضي كل الأذواق.

وبصراحة تحديد أفضل مطاعم مشويات في القاهرة ممكن يكون صعب شوية، لإن من الحسين والمهندسين ومدينة نصر ومصر الجديدة وكمان شبرا والدقي هتلاقي عشرات المحلات اللي بتقدم أجمل المشويات.

لكن حاليًا علشان متحترش وتلف كتير هنحاول نقولك على أفضل المطاعم اللي حصلت على نسب تصويت عالية وبييجي لها السياح من جميع أنحاء العالم سواء من العرب أو الأوروبيين وطبعًا أصحاب البلد.

1. مطعم الدهان:

وهو واحد من أشهر وأهم وأفضل مطاعم المشويات على الإطلاق في القاهرة، وكان أول فرع ليه في الحسين مع قعدة مذهلة بجوار جامع سيدنا الحسين مباشرة وأشهر الآثار الفاطمية مع شوي في الهواء الطلق ومناظر ممتعة.

ودلوقتي ليه فروع في مناطق كتير تانية ومنها:

·         فرع التجمع الخامس: شارع اخناتون، سيلفر ستار مول - الحي الاول، محل 82-83 بجوار محطة بنزين موبيل.

·         فرع الرحاب: محل 183-184 منطقة الخدمات - السوق التجاري.

·         فرع القاهرة الجديدة: حديقة الاسرة، مدخل 2 - الرحاب.

·         فرع المهندسين: 38 شارع جامعة الدول العربية.

·         فرع مدينة نصر: 84 شارع حسن المأمون امام نادى الأهلي.

·         فرع مدينتي: منطقة الساوث بارك (الفود كورت).

·         فرع مصر الجديدة: 70 شارع الميرغني.

أما رقم التوصيل فهو 16194.

وهتلاقي هناك أي مشويات تحبها وتخطر على بالك من الحمام المشوي للكباب والكفتة طبعَا وكمان الشيش طاووق والفراخ المشوية وأطباق خضراوات وشوربة وغيرها، وممكن تعمل عزومات كاملة وبأسعار مناسبة جدًا.

2. مطعم الرفاعي:

وهو بيعتبر من أشهر وأهم العلامات في مصر القديمة، ورغم إنه صغير جدًا من جوّه إلا إن الخدمة فيه سريعة جدًا وبيزوره أشهر الفنانين وهتلاقي صورهم موجودة جوّة وطبعا هو العشق الأصلي لهواة الكباب اللي معمول صح جدًا وبأفضل طريقة.

المنيو بتاعته متنوعة جدا برضه، فلو عايز وجبات جامدة هتتبسط قوي هناك، ولو عايز تدوق أحلى كباب وكفتة مش ممكن تروح غير للرفاعي خصوصًا مع أجواء شرقية أصيلة ومميزة.

أما مصدر الشهرة الأساسي للمحل هي الموزة الضاني واللي بيعملها بطريقة مختلفة جدًا عن أي محلات مشويات وكمان الطرب هناك ملهوش حل، وهتلاقي بط ودندي وكبسة، والأسعار بتختلف وفقًا للكمية.

للحجز او الاستفسار : 01149726562

023906060

لا يوجد توصيل للمنزل

3. مطعم أم حسن:

وهو شهرته الأساسية في تقديم أجمد الأكلات المصرية عمومًا من محاشي ومشويات وأكلات شعبية وغيرها، ولكن برضه مشهور جدًا بكونه واحد من أفضل مطاعم مشويات في القاهرة، خصوصًا مع وجود أكثر من فرع ليه وخدمة توصيل تقدر تقرب لك المسافات.

·         فرع مدينة نصر – ش عباس العقاد

·         فرع المهندسين – ش البطل أحمد عبد العزيز – المهندسين

·         فرع العاشر من رمضان – أمام نادى الرواد – العاشر من رمضان

·         فرع دمياط الجديدة – سيتى جراند مول – دمياط الجديدة

·         فرع أسيوط – ش الجمهورية

·         رقم دليفرى مطعم ام حسن للمشويات 19500

4. كبابجي فرحات:

مش ممكن تكون من القاهرة أو حتى جيت زيارة ليها من غير ما تكون زرت كبابجي فرحات وخصوصًا الفرع الأصلي ليه الموجود في الأزهر، فهو واحد من أفضل المطاعم في القاهرة مع تقديم مشويات وخصوصًا الحمام اللي مش ممكن تقدر تقاومه.

فروع كبابجي فرحات:

·         المهندسين في 77 ش سوريا.المهندسين

·         مدينة نصر في 21 ش الطاقه مدينه نصر

·         مصر الجديدة في 27 ش الحجاز .مصر الجديدة.

·         وسط البلد في 126ش الازهر

رقم الدليفري لمحلات كبابجي فرحات هو 16102

5. مطعم الألفي:

منذ تم افتتاحه سنة 1938 وهو بيعتبر واحد من أفضل وأشهر مطاعم القاهرة وليه تاريخ طويل مع البشوات والبهوات وأصحاب الطبقة الراقية، وهو لسة محافظ على سحره وأناقته وبهائه الشديد مع أجمد الوجبات المشوية اللي مش ممكن تنساها طول عمرك.

فالكفتة هناك ليها طعم تاني غير اللي ممكن تاكله في أي مكان مع أسياخ كبيرة بالمتر تقريبًا، كمان السمبوسك والسلطات ملهاش حل هناك، وهو موجود في شارع الألفي في وسط البلد بس، ورقم التليفون هو 0225774999.

ودلوقتي أكيد من حقك تحتار إزاي تختار بين واحد من أفضل مطاعم مشويات في القاهرة، وصراحة عندك حق، لكن كل مطعم فيه وجبة معينة بتميزه، ودي بقى هتكون من اختيارك انت، وأكيد مش دي بس أفضل مطاعم مشويات في القاهرة لكنها اللي أخدت أعلى نسب تقييم ودايمًا عليها إقبال وسمعتها سابقاها في مناطق كتير.. وبالهنا والشفا. 

أحلى طعمية سخنة