مطاعم التجمع الخامس
مطاعم التجمع الخامس هتلاقيها متنوعة جدًا، فبعد ما أصبحت من المناطق المأهولة إلى حد كبير ووجود فئات متنوعة فيها سواء من الطبقة الغنية أو المتوسطة ضمن إسكان الشباب وكمان الموظفين وطلبة الجامعات والشركات والبنوك وغيرها، فتم افتتاح مطاعم كتير فهيا سواء داخل مولات أو لوحدها.
وهي بصراحة فسحة وأكلة في نفس الوقت وخصوصًا في شارع التسعين اللي بيعتبر أكبر شوارع التجمع، فيالا نتعرف مع بعض على أفضل مطاعم التجمع الخامس لأكلة مميزة وخروجة مش ممكن تنساها.
مطعم كابيتال جريل Capital Grill كل اللي تتمناه من المشويات
وهو بيقدم مجموعة متميزة جدًا من الوجبات المتنوعة، فسواء مشويات أو مكرونات وحتى المأكولات البحرية المميزة هتلاقيها هناك، وكمان المنظر الموجود قدامه حلو جدًا وواسع والديكور متميز جدًا، وهو بيعتبر من أفضل مطاعم التجمع الخامس.
العنوان: شارع 26، المنطقة الثانية في التجمع الخامس
التليفون: 01145554000
مطعم بروكار أجمد أكل دمشقي وحلبي
وهتلاقي هناك أكبر ساندوتش ممكن تاكله على الإطلاق، مع مجموعة من الوجبات الدمشقية المعمولة بفن وذوق أهل الشام سواء السورية أو اللبنانية أو الأردنية والفلسطينية، وهو مناسب جدًا لخروجات الأصحاب وتجمعات جروبات الشغل، فسواء عايز أكل بيتي أو سندوتشات هتلاقيها هناك وعلى أعلى مستوى.
العنوان: الشارع المقابل لبوابة الرحاب 13، حي البنفسج، مقابل معهد تاجان الأزهري.
التليفون: 15540
مطعم STEREO Restaurant & Café وجبات عالمية مثالية
مع الفيو المذهل في ليك فيو Lake View وأجمل أنواع الأكل العالمي اللي ممكن تجربه، أكيد هتتبسط جدًا في STEREO Restaurant & Café، فسواء لحوم مشوية أو ستيك أو مأكلولات بحرية وحتى صدور الدجاج اللي هتلاقيها محشية ومشوية، وكمان أنواع كتير من الأرز والمكرونة، غير الكيدز إريا اللي تعتبر نجدة للأب والأم وغيرها من خدمات مميزة جدًا.
العنوان: القاهرة الجديدة، شارع 66 المتفرع من شارع التسعين.
رقم التليفون: 19706
مطعم TAO.. الأكل الأسيوي بكل أنواعه
غالبًا في مصر مش بنميل قوي للأكل الأسيوي، ولكن ده ميمنعش إن فيه ناس كتير بقت بتعشق السوشي والوجبات الهندية الحارة، فمش كل الأكل الأسيوي غريب وعجيب عننا وفيه منه كتير أكل ممكن يعجبك وتكون تجربة مختلفة.
ومطعم TAO من الأماكن المميزة جدًا في الموضوع ده، فهو بيراعي اختلاف الثقافات وبيقدم لك الأكل الأسيوي المناسب للشعب المصري عمومًا والمسلمين خصوصًا.
العنوان: المنطقة الثانية، التجمع الخامس، في كمبوند ليك فيو Lake View
التليفون: 01212100091
مطعم حمّام عبده.. أشهى الأكلات المصرية
مهما كان نفسك تجرَّب أكل جديد ومختلف فلازم هتحن للأكل المصري الأصيل بتاعنا، فسواء كنت مغترب وهتموت على ملوخية ولا محشي ولا كباب حلة، ولا كان نفسك في عزومة جامدة، أو حتى مجموعة أصحاب، فدايما الأكل المصري لا يُعلى عليه، وكله هتلاقيه في حمام عبده.
العنوان: شارع Banks center، التجمع الخامس، القاهرة الجديدة
التليفون: 19433، 01203499991
ودلوقتي بعد ما اتعرفت على افضل مطاعم التجمع الخامس أوعى تنسى تقول لنا رأيك لما تزور أي واحد فيهم، ولو عندك كمان اقتراحات تانية تكون جرّبتها وعجبتك أكيد مستنيينك.
