أقرب محطة مترو لجامعة عين شمس
تعتبر محطة العباسية في الخط الثالث هي حاليًا أقرب محطة مترو لجامعة عين شمس، فهي المحطة اللي بتقدر منها تحوِّل بين الخطوط الثلاثة، وكانت قبلها محطة منشية الصدر التابعة للخط الأول، ولكن حاليًا ومع أعمال تجديد المنطقة وبناء كوبري يوصل بين مصر الجديدة ورمسيس فإن النزول في محطة منشية الصدر هيكون صعب شوية.
لكن لو إنت كده كده جاي من المرج أو هتركب الخط الأول بس ومش عايز تبدل بين الخطوط فممكن تنزل محطة الدمرداش وتركب ميكروباص مسافة قليلة لحد الجامعة.
إزاي تروح العباسية أقرب محطة مترو لجامعة عين شمس؟
ممكن تنزل في أقرب محطة مترو لجامعة عين شمس بأكتر من طريقة، فلو إنت راكب الخط الأول اللي هو المرج حلوان هتنزل في محطة ناصر وتبدأ تدوّر على اتجاه العباسية، وطبعًا لو جاي من حلوان هيبقى الموضوع سهل، لكن لو جاي من اتجاه المرج فهتضطر تمشي محطات زيادة، لكن بنطمنك إن الخط الثالث بالذات سريع جدًا، ولكن عمومًا للي جاي من المرج فالأسهل ليه ينزل منشية الصدر أو الدمرداش ويتمشى أو يركب ميكروباص.
وبالنسبة لو راكب الخط الثاني فالتبديل منه أسهل لإنه بيكون في العتبة، فسواء جاي من المنيب أو من شبرا فمش هتضطر تركب وترجع تاني.
.png)
موضوعات ذات صلة
أقرب محطة مترو لشارع لبنان المهندسين
أقرب محطة مترو من المتحف القومي للحضارة المصرية
هل مضطر تركب أي مواصلة من أقرب محطة مترو لجامعة عين شمس؟
لو هتنزل منشية الصدر فممكن تركب ميكروباص 5 دقايق هينزلك عند باب كلية التجارة، وممكن تتمشى 15 دقيقة، ولو هتنزل الدمرداش فالمسافة هتزيد شوية.
أما لو هتنزل محطة مترو العباسية فمش محتاج تركب حاجة خالص لإن المسافة بين المترو وحرم كلية الآداب هي 10 دقايق مشي متوسط السرعة، وهي قريبة كمان من كلية التجارة والألسن وهيكونوا على اليمين.
وطبعًا الخط الثالث للمترو بيبدأ من المطار وبيعدي على 20 محطة، لو كنت قريب من أي واحدة فيهم فإنت ساعتها مش محتاج تبدل أي خطوط على الإطلاق علشان توصل لأقرب محطة مترو لجامعة عين شمس اللي هي العباسية.
إيه هي المواصلات التانية لجامعة عين شمس؟
رغم إن النزول في أقرب محطة مترو لجامعة عين شمس يعتبر هو الوسيلة الأسرع والأسهل للوصول للعباسية والجامعة ومسجد النور وإدارة مرور الوايلي ومحكمة شمال القاهرة الابتدائية وكاتدرائية القديس مرقس القبطية وغيرها سواء مطاعم أو مكتبات، إلا إن البعض ممكن يفضل يركب وسائل مواصلات تانية خصوصًا لو مكنش فيه محطة مترو قريبة منه، وده برضه متوفر طبعًا.
فممكن طبعًا تركب أي وسيلة مواصلات سواء أتوبيس أو ميكروباص أو ميني باص لميدان العباسية أو لميدان رمسيس، ومن هناك يا إما تركب المترو وتنزل العتبة وتبدل، يا إما تركب ميكروباص تاني وهم كتير جدًا.
كمان من محطة مترو كوبري القبة فيه أتوبيسات نقل عام مباشرة لجامعة القاهرة وهي أرقام 803 و840، وكمان فيه أكتر من ميكروباص مباشرة من كوبري القبة لمنشية الصدر وللعباسية كمان.
وفي النهاية فإن وصولك لأقرب محطة مترو لجامعة عين شمس من الأمور البسيطة جدًا من أي مكان في مصر، فكل اللي عليك بس تروح أقرب محطة مترو وتعرف إن العباسية في الخط الثالث، وإن الدمرداش ومنشية الصدر في الخط الأول، وهتلاقي جوّة المترو إرشادات ازاي تبدل بين الخطوط، وخصوصًا إن الخط الثالث جديد شوية وممكن تتلخبط فيه، علشان كده أفضل حاجة تنزل العتبة وتروح منها للعباسية، إلا إذا كنت راكب من الخط الثالث نفسه، فكده الأمور هتكون أسهل.. وبالتوفيق.
مواعيد قطارات الإسكندرية القاهرة 2020
